ەلباسىنىڭ جاستارعا ارناپ ايتقان ونەگەلى 1000 ءسوزى
«بۇل زامان بىلەككە سەنەتىن ەمەس، بىلىمگە سەنەتىن زامان».
***
«زاماناۋي الەمدە ەلدىڭ قۋاتى ەڭ الدىمەن ازاماتتارىنىڭ بىلىمىمەن ولشەنەدى».
***
«سول ءبىلىمدى قاجەتكە، تۇرمىس يگىلىگىنە جاراتا بىلۋىمەن باعالانادى».
***
«ينەمەن قۇدىق قازعانداي، قيىن دا كۇردەلى، وراسان قاجىر-قايرات پەن ەرىك-جىگەردى تالاپ ەتەتىن ءبىلىمسىز - ءومىر تۇل».
***
«تەرەڭ ءبىلىم - تاۋەلسىزدىگىمىزدىڭ تىرەگى، اقىل-وي - ازاتتىعىمىزدىڭ الداسپانى».
***
«بۇگىن قازاقستاندىقتار - جاس جانە سەرپىندى ۇلت. ءبىزدىڭ ازاماتتارىمىزدىڭ ورتا جاسى 35 تەن اسپايدى».
***
«جاس قازاقستاندىق ازامات دەگەنىمىز - بۇل تەك قۇقىق قانا ەمەس، ءبىرىنشى كەزەكتە ءوزى، ءوزىنىڭ وتباسى جانە ءبىزدىڭ وتانىمىز ءۇشىن ۇلى جاۋاپكەرشىلىك ەكەنىن ەستە ۇستاۋلارى ءتيىس».
***
« XXIعاسىردا قازاقستاندىقتار ۇزاق جاساۋشىلار ۇلتى بولۋى ءتيىس».
***
«دەنساۋلىقتى ءبىرىنشى كەزەكتە ادامنىڭ ءوزى قالىپتاستىرۋى كەرەك».
***
«مەن سىزدەردى جانە بارلىق ستۋدەنتتەردى ءبىزدىڭ وليمپياداشىلارىمىزدىڭ جەڭىسى قۇرمەتىنە زياندى ادەتتەردەن باس تارتۋعا شاقىرامىن، سپورتپەن اينالىسىڭىزدار، سالاماتتى ءومىر سالتىن ۇستانىڭىزدار».
***
«ءبىز «ءبىلىم - عىلىم - يننوۆاتسيالار» ۇشتىگى بيلەگەن پوستيندۋستريالىق الەمگە قاراي جىلجىپ كەلەمىز».
***
«مەن ءبىزدىڭ حالىقتىق يگىلىگىمىز بولىپ تابىلاتىن قازاقستاندىق تابىستىڭ ءۇش كىلتى تۋرالى ەسكە سالا كەتكىم كەلەدى.
ءبىرىنشى. 140 ەتنوستىڭ باسىن قۇرايتىن بارلىق قازاقستاندىقتاردىڭ بىرلىگى - بۇل عالامات قۇندىلىق.
ءبىزدىڭ مىندەتىمىز - ونى قورعاۋ، ساقتاۋ جانە بايىتۋ.
ءبىز الەمدىك مۇحيتتا ءوز باعىتىمەن امان-ەسەن ءجۇزىپ كەلە جاتقان قايىعىمىزدى ەشكىمنىڭ شايقاۋىنا جول بەرمەيمىز.
ەكىنشى. ءبىزدىڭ بارلىعىمىزعا جانە ءارقايسىمىزعا ءتان تاعاتتىلىق.
ەتنوستىق جانە ءدىني ايىرماشىلىقتى بايىپپەن ءتۇسىنۋ جانە قۇرمەتپەن قابىلداۋ.
وسىنىڭ ارقاسىندا ءبىزدىڭ ءارالۋاندىعىمىز بىزدەردى بولمەيدى، قايتا بىرىكتىرەدى.
ەگەر ءبىزدىڭ تاعاتتىلىعىمىز بولماسا، وندا ءبىزدىڭ قايىعىمىز باعىتىنان اۋىتقىپ كەتۋى ىقتيمال جانە ءارى قاراي اپاتتان قورعالمايتىن بولادى.
ءبىز اپاتقا ۇشىراپ، «SOS» بەلگىسىن بەرەتىن تەڭىز ساياحاتشىلارىنا اينالامىز.
ءۇشىنشى. بۇل تاريحي تاعدىرىمىزدىڭ ورتاقتىعى.
ءبىزدىڭ ماقساتىمىز - وزگەرمەلى الەمدەگى جاڭا جاعدايلاردا تەك ءتىرى قالۋ ەمەس، سونداي-اق بۇرىنعى تابىستارىمىزدى نىعايتا، وسى جاڭا الەمگە ءوزىمىزدىڭ ىقپال ەتۋ مۇمكىندىگىمىزدى كەڭەيتە وتىرىپ، دامۋىمىزدى جالعاستىرۋ.
تەك وسى ءبىزدىڭ قۇندىلىقتارىمىزدى نىعايتا جانە كوبەيتە وتىرىپ قانا ءبىز ءار قازاقستاندىق وتباسى ءۇشىن ءقاۋىپسىز جانە باقىتتى بولاشاق قۇرا الامىز».
***
«ءبىزدىڭ ەڭبەكسۇيگىشتىگىمىز ءبىزدىڭ ەكىنشى قۇندى جەڭىسىمىز بولىپ تابىلادى».
***
«قازاقستاندىقتار ەلدىڭ وركەندەۋى ءار ازاماتتىڭ ەڭبەگىنە، ونىڭ بىلىمىنە، جاۋاپكەرشىلىگىنە بايلانىستى بولىپ تابىلاتىن ءبىرتۇتاس جانە بولىنبەيتىن وتباسى».
***
«جۇمىس ىستەگىسى كەلگەندەردىڭ ءبارى جۇمىس تابادى جانە ءبىر ەمەس، ەكى جۇمىس تاۋىپ، ەڭبەكاقى الۋ مۇمكىندىگى بار. تەك نيەت بولۋى كەرەك».
***
«ءبىزدىڭ ادامدارىمىز وزگە ەلدەردە نە بولىپ جاتقانىن ءجيى ۇمىتىپ كەتەدى».
***
«ال ءبىزدىڭ قازاقستاندا اركىمنىڭ تۇراقتى ءومىر ءسۇرىپ جانە وتباسىن اسىراپ قانا قويماي، بالالارىنا ءبىلىم بەرىپ جانە بولاشاقتى جوسپارلاۋ مۇمكىندىگى بار».
***
«دامىعان ەلدەردەگى ەڭ باستى قاعيدات مىنانداي - جۇمىس ادامدى ەمەس، ادام جۇمىستى ىزدەيدى».
***
«ەگەر ءبىز ءومىر ساپاسىنىڭ الەمدىك جوعارى ۇلگى-قالىپتارىنا جەتەمىز دەسەك، وندا سوعان سايكەس ەڭبەك ەتۋ قاجەت. سوندىقتان دا ءتارتىپ پەن ەڭبەك ساپاسى ايرىقشا ماڭىزعا يە بولۋدا».
***
«مەملەكەت حالىقتىڭ ءال-اۋقاتىنىڭ دەڭگەيىن ارتتىرۋ ءۇشىن قانشالىقتى كۇش-جىگەر جۇمساسا دا، ەگەر ءاربىر قازاقستاندىق ءوز تاعدىرىنىڭ ەڭبەكسۇيگىش قوجايىنىنا اينالماسا، ەلدەگى بار جاقسىلاردىڭ ءبارىن قادىرلەپ، ولاردى ودان ءارى ەسەلەمەسە، ول ارتپايدى».
***
«بۇگىندە ءار قازاقستاندىق ءوزدى- وزىنەن ەلىمىزگە جاقسى بولىپ، ءبىزدىڭ وتانىمىزدىڭ داۋلەتى ارتۋى ءۇشىن مەن نە ىستەدىم دەپ سۇراۋى كەرەك.
ەگەر ءار ازامات وسىلاي پايىمدايتىن بولسا، بۇكىل ەلىمىز ءوزىنىڭ دامۋىنا قارقىن قوسارىنا مەنىڭ سەنىمىم مول».
***
«قاراڭىزدار، جاپونيا، قىتاي، وڭتۇستىك كورەيا، سينگاپۋر، مالايزيا سياقتى ەلدەر وزدەرىنىڭ يدەيالارى مەن تەحنولوگيالارىن شەبەر ورىنداۋىنىڭ، وزدەرىنىڭ تياناقتىلىعى مەن ەڭبەگىنىڭ ارقاسىندا تابىستارعا جەتىپ وتىر».
***
«سەندەردىڭ بىلىمدەرىڭ - ول سەندەردىڭ ەڭبەكتەرىڭنىڭ ناتيجەسى.
سەندەر وزدىگىنەن ءبىلىم الۋعا نەعۇرلىم كوبىرەك ەڭبەكتەنسەڭدەر، سوعۇرلىم كوبىرەك بىلەتىن بولاسىڭدار».
***
«بۇكىل ءومىر بويى وقۋ ەندىگى جەردە بالاما ەمەس، اسقان قاجەتتىلىك" دەيدى گارۆارد ۋنيۆەرسيتەتىنىڭ ناقىلدارىنىڭ ءبىرى.
سوعان بايلانىستى، سەندەر الاتىن ساپالى ءبىلىم بار بولعانى جولاشار ينتەللەكتۋالدىق كاپيتال بولىپ تابىلادى.
سەندەرگە ءوزدى-وزدەرىڭمەن ۇزدىكسىز جۇمىس ىستەپ، ءوز بىلىمدەرىڭدى، كاسىبي قۇزىرلىلىقتارىڭدى ارتتىرۋ قاجەت.
نەمىس فيلوسوفى زيممەلدىڭ ايتۋىنشا، «ءبىلىمدى ادام - ول ءوزى بىلمەيتىندى قايدان تابۋعا بولاتىنىن بىلەتىن ادام».
مەن سەندەردى ينتەرنەت الماستىرا المايتىن بەلسەندى تۇردە جان-جاقتى دامۋعا، سپورتپەن، ونەرمەن اينالىسۋعا، شەت تىلدەردى ۇيرەنۋگە، وتاندىق جانە الەمدىك ادەبيەتتىڭ تەرەڭ مۇرالارىن تانىپ-بىلۋگە شاقىرامىن.
سەندەردىڭ ءبارىڭ لايىقتى ءومىردىڭ، ءال-اۋقاتتىڭ، جاڭا ءومىر ساپاسىنا قول جەتكىزۋدىڭ تەك ەڭبەك ارقىلى عانا كەلەتىنىن ەستە ساقتاۋلارىڭ كەرەك».
***
«زامانىمىزدىڭ زاڭعار جازۋشىسى مۇحتار اۋەزوۆ «حالىق پەن حالىقتى، ادام مەن ادامدى تەڭەستىرەتىن - ءبىلىم» دەگەن.
ءبىز ورلەۋدى ءومىرىنىڭ وزەگى ەتكەن حالىقپىز.
مىنا زاماندا «ونەردىڭ كىلتىن تاپقان عانا ورگە شابادى».
سەندەر، تاۋەلسىز قازاقستاننىڭ كەلەشەگى ءۇشىن تاريحي جاۋاپكەرشىلىك ارقالايتىن ازاماتسىڭدار.
وسى جاۋاپكەرشىلىكتى سەزىنە بىلىڭدەر».
***
«ءبىزدىڭ قوعامدا ادال ەڭبەكتى تەرەڭ بىلىممەن ۇشتاستىرعان عانا تابىسقا جەتە الاتىنىن قاپەردەن شىعارماعان ابزال».
***
«سەندەر، تاۋەلسىز قازاق ەلىنىڭ ءبىلىمدى جاستارى، ءوز سوقپاقتارىڭدى سالىپ، ونى ەلدى دامۋعا باستايتىن داڭعىلعا اينالدىرۋعا تيىسسىڭدەر»!
***
«بەتالىسى كۇندە وزگەرگەن الماعايىپ دۇنيەدە ادامزات ءۇشىن ەشقاشان وزگەرمەگەن، وزگەرمەيتىن تەمىرقازىقتار بار. ول - ءبىلىم! ول - ەڭبەك!
ەل بولاشاعىنىڭ باياندى بولماعى باستا بۇلىقسىعان ءبىلىم مەن قولدا ويناعان ەڭبەككە بايلانىستى».
ەلباسىنىڭ نازاربايەۆ ۋنيۆەرسيتەتى ستۋدەنتتەرى الدىندا سويلەگەن سوزدەرىنەن. 2012 -جىل، 6 - قىركۇيەك.
***
«وسى ۇلىستىڭ ۇلى كۇنىندە مەن ەندىگى ءسوزىمدى ەلىمىزبەن بىرگە كەمەلدىك كەزەڭگە قادام باسقان جاستارعا ارنايمىن.
ءبىز سەندەردىڭ بىلىكتى مامان، بولاشاعى جارقىن وتانشىل ازامات بولىپ وسۋلەرىڭ ءۇشىن بارلىعىن جاساپ كەلەمىز.
ءبىز سەندەر ءۇشىن ءبىلىم بەرۋ مەن عىلىمنىڭ ەڭ وزىق جۇيەسىن جاساۋدامىز.
سەندەردىڭ الدارىڭنان اتا-بابالارىڭ ارمانداپ كورمەگەن عالامات مۇمكىندىكتەر اشىلۋدا.
ءبىزدىڭ جەڭىستى جولىمىز بەن جاسامپاز ءداستۇرىمىزدى سەندەر لايىقتى جالعاستىرۋعا تيىسسىڭدەر!
تاۋەلسىزدىكتىڭ 20 جىلىندا جاسالعان بار جاقسىلىق سەندەرگە ارنالدى!
ەلدىك پەن تاۋەلسىزدىكتىڭ كيەلى كوك تۋىن XXI عاسىردا اسقاقتاتا جەلبىرەتەتىن - جاستار، سەندەر بولاسىڭدار!
ەل بىرلىگىن كوزدىڭ قاراشىعىنداي ساقتاڭدار!
قۋاتتى قازاقستاننىڭ قۇتتى ىرگەسىن قالاۋشى ءبىزدىڭ بۋىننىڭ ابىرويلى اماناتىنا لايىق بولا بىلىڭدەر!
سوندا عانا قازاقستان جاس ۇرپاقتىڭ جانقيار ەڭبەگى ارقىلى وركەندەيتىن بولادى دەپ سەنەمىن.
تاريح توعىستىرعان، تاعدىر تابىستىرعان بۇگىنگى ۇلى كۇنگە ءبىز بەرىك سەنىممەن جەتىپ وتىرمىز:
بۇل ءداۋىر ءبىزدى تاڭدادى.
ءبىز بەرىلگەن تاريحي مۇمكىندىكتى تاماشا پايدالانا بىلدىك. كەلەر ۇرپاق تا سولاي ەتۋى كەرەك.
قازاقستان رەسپۋبليكاسىنىڭ پرەزيدەنتى- ەلباسى ن. ءا. نازاربايەۆتىڭ قازاقستان رەسپۋبليكاسى تاۋەلسىزدىگىنىڭ 20 -جىلدىعىنا ارنالعان سالتاناتتى جينالىستا سويلەگەن سوزدەرىنەن.15.12.2011.
***
«سىزدەر وقۋ ءبىتىرىپ، ەلگە ەڭبەك سىڭىرەتىن كەزدەرىڭىزدە مىنا عالام وزگەشە بولادى. ءبىلىم مەن عىلىمنىڭ زامانى بولادى.»
«بۇگىنگىدەي جاھاندانۋ جاعدايىندا مەملەكەت مەن ادام وزىق، باسەكەگە ساي بولۋى ءۇشىن، ەڭ ءبىرىنشى ءبىلىم مەن عىلىم وركەندەۋى قاجەت.»
«ءبىزدىڭ جاستارىمىز عىلىم مەن بىلىمگە ۇمتىلىپ، ەلدىڭ بولاشاعىن ويلايتىن بولسا، كەلەشەگىمىز كەمەل، تاۋەلسىزدىگىمىز باياندى بولادى.»
قازاقستان رەسپۋبليكاسىنىڭ پرەزيدەنتى ن. ءا. نازاربايەۆتىڭ قازاقستان رەسپۋبليكاسى پرەزيدەنتى ستيپەندياتتارىنىڭ يەگەرلەرى-ماگيسترانتتارمەن كەزدەسۋىندە سويلەگەن سوزدەرىنەن.30.09.2011.
فوتولار akorda.kz سايتىنان.
