جاپونيادا 100 جاستان اسقاندار سانى رەكوردتىق 86510 ادامعا جەتتى

توكيو. Kyodo-قازاقپارات - جاپونيا دەنساۋلىق ساقتاۋ مينيسترلىگىنىڭ سەيسەنبى كۇنى تاراتقان مالىمەتىنە سايكەس، ەلدە 100 جاستان اسقاندار سانى رەكوردتىق 86510 ادامعا جەتتى، دەپ حابارلايدى قازاقپارات Kyodo اگەنتتىگىنە سىلتەمە جاساپ.

مينيسترلىك تاراتقان مالىمەت بويىنشا، بيىلعى جىلدىڭ 15- قىركۇيەگىندە ەلدە ۇزاق جاساعان ادامدار سانى ءبىر جىل بۇرىنعى كورسەتكىشتەرگە قاراعاندا 6060 ادامعا كوبەيگەن. ءوسىم 51 جىل قاتارىنان ساقتالىپ كەلەدى. ۇزاق ءومىر ءسۇرۋشى 86510 ادامنىڭ ىشىندە ايەلدەر 88,4 پايىزدى (76450) قۇراپ وتىر. بۇل وتكەن جىلعى كورسەتكىشتەن 5475 ادامعا كوپ.

1963 -جىلى جاپونيادا ۇزاق ءومىر سۇرەتىندەر سانى 153 ادام بولعان، 1981 -جىلى بۇل كورسەتكىش 1000 ادامنان، ال 1998 -جىلى - 10 مىڭ ادامنان اسقان. وسىنىڭ بارلىعى نەگىزىنەن مەديتسينادىق تەحنولوگيالار سالاسىنداعى جەتىستىكتەردىڭ ارقاسى ەكەنى اتاپ وتىلەدى.

شىلدە ايىندا مينيسترلىكتەن جاپونيادا ءومىر ءسۇرۋدىڭ ورتاشا ۇزاقتىعى 2020 -جىلى ەكى جىنىس وكىلدەرى ءۇشىن رەكوردتىق سانعا: ايەلدەر ءۇشىن - 87,74 پايىز، ەر ادامدار ءۇشىن - 81,64 پايىز جەتكەنىن مالىمدەدى.

جاپونيانىڭ وڭتۇستىك- باتىسىنداعى فۋكۋوكانىڭ 118 جاستاعى (1903 -جىلى دۇنيەگە كەلگەن) تۇرعىنى كانە تاناكا - ەلدەگى ەڭ كارى ايەل. ول گيننەستىڭ رەكوردتار كىتابىندا جاسى ەڭ ۇلكەن ادام بولىپ تانىلعان. ال 111 جاستاعى ميكيزو ۋەدا - جاپونيانىڭ ەڭ كارى ەر ادام.

اۆتور: زارينا تۋعانبايەۆا