الماتى وبلىسىندا 100-دەن اسقان 61 قاريا سايلاۋدا داۋىس بەردى
«104 جاستاعى ۇلى وتان سوعىسىنىڭ ارداگەرى نۇرعالي جانسەرىك ۇلى، كەربۇلاق اۋدانىنداعى التىنەمەل اۋىلدىق وكرۋگىنىڭ تۇرعىنى، 103 جاستاعى باتان ساپارعالييەۆا سىندى اتا- اپالارىمىز العاشقىلاردىڭ ءبىرى بولىپ سايلاۋدا بەلسەندىلىك تانىتتى. قازىر الماتى وبلىسى بويىنشا 100-دەن اسقان 61 قاريا سايلاۋدا ءوز تاڭداۋىن جاساپ، داۋىستارىن بەرىپ ۇلگەردى»، - دەدى الماتى وبلىسى اكىمىنىڭ باسپا ءسوز حاتشىسى عالىمۇرات جۇكەل.
قارتتاردىڭ باسىم بولىگى ۇيدەن داۋىس بەرگەن. ولارعا سايلاۋ ۋچاسكەلەرىنىڭ جىلجىمالى جاشىكتەرى قاراستىرىلعان. جالپى، بارلىق سايلاۋ ۋچاسكەلەرىندە كوميسسيا سايلاۋعا وزدىگىمەن كەلە الماعاندارعا قىزمەت كورسەتىپ، مۇمكىندىگى شەكتەۋلى ازاماتتار مەن سوعىس ارداگەرلەرىنىڭ دە ءوز تاڭداۋىن جاساۋعا سەپتىگىن تيگىزدى.
ايتا كەتەيىك، الماتى وبلىسىندا تۇراتىن 2 ميلليون حالىقتىڭ 1 ميلليون 400 مىڭى سايلاۋعا قاتىسۋعا قۇقىلى. وڭىردە 1040 سايلاۋ ۋچاسكەسى بار. ول جەردە پرەزيدەنتتىككە ۇمىتكەرلەردىڭ 2100-دەن استام سەنىمدى وكىلى مەن شەت ەلدەن كەلگەن باقىلاۋشىلار سايلاۋ بارىسىن قاداعالاپ وتىر. جالپى وبلىستا700-دەن استام ەلدى مەكەن بار.
اۆتور: سامال قابىشيەۆا
