ابايدىڭ مەرەيتويىنا وراي 100 جانە 500 تەڭگەلىك مونەتالار شىقتى
اتاپ ايتقاندا، نومينالى 500 تەڭگەلىك مونەتا - كۇمىستەن، نومينالى 100 تەڭگەلىك شاقا - مەلحيور قوسپاسىنان جانە نومينالى 100 تەڭگەلىك مونەتا نەيزيلبەر قوسپاسىنان جاسالعان. مونەتالار اقىن جانە اعارتۋشى ابايدىڭ 175 جىلدىعىنا وراي شىعارىلدى.
ۇلتتىق بانكتەن ءمالىم ەتكەندەي، قازاقستان اۋماعىندا كارانتين رەجيمىنىڭ ۇزارتىلۋىنا بايلانىستى مونەتالاردى ساتۋ مەرزىمى كەيىنىرەك حابارلاناتىن بولادى.
«ساتۋ كۇنى تۋرالى اقپارات ق ر ۇلتتىق بانكىنىڭ رەسمي سايتىندا قوسىمشا ورنالاستىرىلادى»، - دەدى بانكتەن.
«ABAI. 175 JYL» مونەتالارىنىڭ سيپاتتاماسى: مونەتالاردىڭ بەت جاعىندا (اۆەرسىندە) ورتالىق بولىگىندە قازاقستان رەسپۋبليكاسىنىڭ مەملەكەتتىك ەلتاڭباسى بەينەلەنگەن. ەلتاڭبانىڭ سول جانە وڭ جاعىندا «QAZAQSTAN RESPÝBLIKASY ∙ REPUBLIC OF KAZAKHSTAN» جازۋلارى ورنالاسقان. اينالدىرا ۇلتتىق ويۋ-ورنەك ەلەمەنتتەرى بار. تومەنگى بولىگىندە «TEŃGE « جازباسى جانە كۇمىس مونەتادا ونىڭ نومينالىن بىلدىرەتىن «500» سانى جانە مەلحيور مەن نەيزيلبەر مونەتالارىندا «100» سانى بەينەلەنگەن.
مونەتالاردىڭ سىرت جاعىندا (ريەۆەرسىندە) اباي قۇنانبايەۆتىڭ مۇسىندىك پورترەت بەينەسى، كۇمىس جانە مەلحيور مونەتالاردا ينتەرفەرەنتسيالىق ءتۇرلى-ءتۇستى بەينەلەۋ تەحنولوگياسىن قولدانا وتىرىپ ورىندالعان سيا قۇتىسىنىڭ جانە قالامۇشتىڭ ستيلدەندىرىلگەن سۋرەتى ورنالاسقان.
پورترەتتىڭ وڭ جاعىندا - قازاقتىڭ كيىز ءۇيى (باسقۇر) دەكورى تۇرىندەگى ويۋ- ورنەك تاسپاسى، ونىڭ استىندا ابايدىڭ تۋعان جىلىن، 175 جىلدىعىن مەرەكەلەيتىن كۇندى جانە سوعىلعان جىلىن بىلدىرەتىن «1845-2020» دەگەن جازبا ورنالاستىرىلعان.
وڭ جاعىندا - مەتالدىڭ ماسساسىن بىلدىرەتىن «31,1 g» دەگەن جازبا بار. مونەتانىڭ جوعارعى بولىگىندە «175» جانە «JYL» دەگەن جازبا بار. سول جاق بولىگىندە ۇلتتىق ويۋ-ورنەك ەلەمەنتى، كۇمىس مونەتادا مونەتا دايىندالعان مەتالدى جانە ونىڭ سىنامىن بىلدىرەتىن «Ag 925» دەگەن جازبا بار.
مونەتانىڭ تومەنگى بولىگىندە لاتىن گرافيكاسىندا «ABAY « دەگەن جازبا بار. تەحنيكالىق ولشەمدەرى: «Rroof» ساپالى مونەتالار 925/1000 سىنامدى كۇمىستەن، ماسساسى 31,1 گرام، ديامەترى 38,61 م م، نومينالى 500 تەڭگەلىك، تارالىمى 1500 دانادا دايىندالدى. «Brilliant uncirculated» ساپالى مونەتالار م ن 25 مەلحيور قوسپاسىنان، ماسساسى 15 گرام، ديامەترى 33 م م، نومينالى 100 تەڭگەلىك، تارالىمى 8000 دانادا دايىندالدى «Brilliant uncirculated» ساپاسىلى مونەتالار م ن ت س 15-20 نەيزيلبەر قوسپاسىنان، ماسساسى 11,17 گرام، ديامەترى 31 م، نومينالى 100 تەڭگەلىك، تارالىمى 75000 دانادا دايىندالدى.
مونەتالار كوللەكتسيالىق قۇنى بويىنشا ساتۋعا ارنالعان. نومينالى 500 تەڭگەلىك جانە 100 تەڭگەلىك كوللەكتسيالىق مونەتالار تولەمدەردىڭ بارلىق تۇرلەرى بويىنشا قازاقستان رەسپۋبليكاسىنىڭ بۇكىل اۋماعىندا ولاردىڭ بەلگىلەنگەن قۇنىمەن قابىلدانۋعا، سونداي-اق بانك شوتتارىنا ەسەپكە الىنۋعا جانە اۋدارىلۋعا مىندەتتى، قازاقستان رەسپۋبليكاسىنىڭ بارلىق بانكتەرىندە شەكتەۋسىز ۇساقتالادى جانە ايىرباستالادى.
كۇمىستەن دايىندالعان مونەتالار كادەسىيلىق ورامدا شىعارىلادى جانە قازاقستان ۇلتتىق بانكىنىڭ مەملەكەتتىك، ورىس جانە اعىلشىن تىلدەرىندە نومىرلىك ساپا سەرتيفيكاتىمەن جابدىقتالعان. مەلحيور قوسپاسىنان دايىندالعان مونەتالار ارنايى پوليگرافيالىق ورامدا شىعارىلادى. كوللەكتسيالىق مونەتالار قازاقستان تەڭگە سارايىندا دايىندالعان.
