ەلوردادان 100 ميلليون تەڭگە مەن 1 التىن قۇيماسىن زاڭسىز اكەتپەك بولعان ازامات ۇستالدى
بۇل تۋرالى قازاقپارات ءتىلشىسى قارجى مينيسترلىگىنە قاراستى مەملەكەتتىك كىرىستەر كوميتەتىنىڭ باسپا ءسوز قىزمەتىنە سىلتەمە جاساپ حابارلايدى.
«بيىل ءساۋىر جانە مامىر ايلارىندا استانا قالاسى بويىنشا مەملەكەتتىك كىرىستەر دەپارتامەنتىنىڭ «اۋەجاي استانا» كەدەن بەكەتىندە 100 ميلليون تەڭگەدەن استام اقشا مەن 1 قۇيما التىندى زاڭسىز اكەتۋ فاكتىلەرى انىقتالىپ، جولى كەسىلدى.
كۇدىكتى «استانا- انتاليا» باعىتىنداعى اۋە رەيسىنىڭ كەدەندىك باقىلاۋىنان ءوتۋ كەزىندە ۇستالدى. ونىڭ جۇگىن تەكسەرۋ كەزىندە 118392 دوللار، 28750 رۋبل، 92885 ەۋرو سوماسىنا دەكلاراتسيالانباعان قولما- قول اقشا تابىلدى»، - دەپ ءمالىم ەتتى ۆەدومستۆونىڭ باسپا ءسوز قىزمەتى.
مەملەكەتتىك كىرىستەر دەپارتامەنتى ەل اۋماعىنان 10000 دوللاردان اساتىن قولما- قول شەتەل ۆاليۋتاسىن الىپ شىعۋعا تىيىم سالىنعانىن اتاپ ءوتتى. مۇنداي قۇقىقبۇزۋشىلىقتار ءۇشىن كىنالى ق ر زاڭناماسىنا سايكەس، اكىمشىلىك نەمەسە قىلمىستىق جاۋاپقا تارتىلادى.
