قىتايدا كەشىككەنى ءۇشىن 100 رەت وتىرىپ-تۇرعان 15 جاستاعى قىز ءتىل تارتپاي كەتتى
ناتيجەسىندە جاس ءوسپىرىم وتتەگىنىڭ جەتىسپەۋشىلىگىنەن قايتىس بولىپ كەتتى دەپ حابارلايدى life.ru-عا سىلتەمە جاساعان NUR. KZ.
سياو فەي ەسىمدى جاس ءوسپىرىم اكەسىنىڭ ەمىنە اقشا تابۋ ءۇشىن وقۋىن تاستاپ، جىلجىمايتىن مۇلىك كومپانياسىنا جۇمىسقا ورنالاسادى.
اكەسىنىڭ ايتۋىنشا، قىزدى باستىعى كەشىككەنى ءۇشىن جازالاعان. 100 رەت جاتتىعۋ جاساعان قىز كەشكە ۇيىنە كەلگەندە ءوزىن جايسىز سەزىنىپ تۇرعانىن جەتكىزگەن.
قىز بالانىڭ كەلەسى كۇنى تاڭەرتەڭ اياعى قوزعالماي قالعان، بىرنەشە كۇننەن كەيىن قولى دا قوزعالۋدان قالادى.
اياق-قولى جانسىز بولىپ قالعان قىزدارىن اتا- انسى دەرەۋ اۋرۋحاناعا جەتكىزەدى. اق حالاتتىلار ونى بىردەن جانساقتاۋ بولىمىنە جاتقىزادى.
تەكسەرە كەلە دارىگەرلەر سياوعا جۇيكە جۇيەسىنىڭ شارشاۋىنان بولاتىن گييەنا - باررە سيندرومى دەگەن دياگنوز قويعان. سياو 10 كۇننەن كەيىن اۋرۋحانادا ءتىل تارتپاي قايتىس بولدى.
