كوممۋنيستىك رەجيمدەر 100 جىلدا 100 ميلليون ادامدى ءولتىردى - اق ءۇي

استانا. قازاقپارات - 7 -قاراشادا سوۆەت وداعىنداعى بولشەۆيكتەر رەۆوليۋتسياسىنا 100 جىل تولۋىنا وراي اق ءۇي كوممۋنيزم قۇرباندارىن ەسكە الا وتىرىپ، ارنايى مالىمدەمە جاسادى.

امەريكا اكىمشىلىگى «بولشەۆيكتەر رەۆوليۋتسياسى سوۆەت وداعىن تۋعىزىپ، ەزگى كوممۋنيزم، ساياسي فيلوسوفياسى، ءسوز بوستاندىعى نەشە ونداعان جىلدار بويىندا اۋىر كەزەڭدى باستان وتكىزدى» دەپ اتاپ وتكەن.

«كوممۋنيستىك توتاليتارلى رەجيم الەمدە 100 ميلليوننان استام ادامدى ءولتىرىپ، ازاپقا سالدى. بۇل قوزعالىس ازات ەتۋ دەگەن جالعان يدەولوگيامەن ادامداردىڭ ەڭ قاسيەتتى ءدىني-سەنىمىنەن، ءسوز ەركىندىگىنەن ايىردى. ءسوز بوستاندىعىن اڭساعان ازاماتتار ءماجبۇرلى تۇردە ۇرەي ارقىلى مەملەكەتكە باعىندى. ءبىز بۇگىن كوممۋنيزمنەن زارداپ شەككەن، ومىردەن وتكەن ادامداردى تۇسىنەمىز»، - دەلىنگەن اق ءۇي باسپا ءسوز قىزمەتى تاراتقان مالىمدەمەدە.

2017 -جىلدىڭ 7 -قاراشاسىندا رەسەيدە بولشەۆتيكتەردى بيلىككە الىپ كەلگەن وكتابر رەۆوليۋتسياسىنىڭ 100 جىلدىعىن اتاپ ءوتتى. ولاردىڭ باسقارۋى فورمالدى تۇردە 1991 -جىلى س س س ر- دىڭ قۇلاۋىمەن اياقتالدى.