قازاقستان ەكونوميكاسىنىڭ بيىلعى 10 ايداعى ءوسىمى 1 پايىزدى قۇرادى - ە. دوسايەۆ
بيىلعى 10 ايداعى ەلىمىزدىڭ الەۋمەتتىك- ەكونوميكالىق دامۋىنىڭ الدىن الا ناتيجەسىنە توقتالعان مينيستر: «قابىلدانعان ينفراقۇرىلىمدىق دامۋدىڭ «نۇرلى جول» مەملەكەتتىك باعدارلاماسىنىڭ ارقاسىندا جانە 2015-2016 جىلدارعا ارنالعان ۇكىمەتتىڭ شۇعىل شارالارى جوسپارى اياسىندا قازاقستان ەكونوميكاسىنىڭ 10 ايداعى ءوسىمى 1 پايىزدى قۇرادى»، - دەدى.
ونىڭ سوزىنە قاراعاندا، تاۋ- كەن ءوندىرۋ ونەركاسىبىندە ءوندىرىس كولەمىنىڭ 2,2 پايىزعا تومەندەۋى سالدارىنان ونەركاسىپتىك ءوندىرىس 1,3 پايىزعا ازايدى. وڭدەۋشى ونەركاسىپ 0,5 پايىز دەڭگەيىندە تۇراقتى ءوسىمدى كورسەتىپ وتىر.
سونىمەن قاتار ول جوسپارلانعان دەڭگەيدەن مۇناي ءوندىرۋ كولەمىنىڭ 1,5 ميلليون تونناعا تومەندەۋى ءجالپى ىشكى ونىمگە كەرى اسەرىن تيگىزەتىنىن جەتكىزدى. ينۆەستيتسيالىق كاپيتال بيىل 3,8 پايىزعا وسكەن كورىنەدى، ءبىرىنشى كەزەكتە ول «نۇرلى جول» مەملەكەتتىك باعدارلاماسى اياسىنداعى ينۆەستيتسيالىق باعدارلامانىڭ ارقاسىندا ارتتى.
اۆتور: رۋسلان عابباسوۆ
