قىتايدا نەكە قۇجاتتارىن راسىمدەۋ 10 مينۋتتان 0,3 سەكۋندقا قىسقاردى
«قازاقپارات» ح ا ا شينحۋاعا سىلتەمە جاساپ.
اتالعان قالاداعى نەكە ورتالىعى ماماندارىنىڭ ايتۋىنشا، بەت- الپەتتى تانۋ جۇيەسى قاڭتاردا ىسكە قوسىلعان. قىتاي زاڭىنا سايكەس، نەكە تۋرالى كۋالىك بەرىلەردىڭ الدىندا تىركەۋشىلەر جۇپتاردىڭ جەكە كۋالىكتەرىن جانە تىركەلۋ تۋرالى قۇجاتتارىن تەكسەرۋگە مىندەتتى.
جاڭا تەحنولوگيا ۋاقىتتى ۇنەمدەۋمەن قاتار، دالدىك دەڭگەيىن دە وتە جوعارى ورىندايدى. ادامنىڭ بەت- الپەتىن جىلدام سۋرەتكە تۇسىرەتىن جۇيە، ونىڭ باسقا قۇجاتتارىنداعى جانە قوعامدىق قاۋىپسىزدىك بازاسىنداعى سۋرەتتەرىمەن سالىستىرادى.
ەنگىزىلگەن زاماناۋي جۇيەنىڭ ناتيجەسىندە بۇرىن 10 مينۋتقا سوزىلعان تەكسەرۋ ءراسىمى، 0,3 سەكۋندىڭ ىشىندە اياقتالادى ەكەن.
بۇل سونىمەن قاتار پلاستيكالىق وپەراتسيا جاساعان ادامداردى نەمەسە ەگىزدەردى دە جىلدام اجىراتا الادى. بۇرىن وسىعان ۇقساس جۇيەلەر، اتالعان توپتاردى تەكسەرگەندە قينالىپ قالاتىن جانە ولار ساۋساق تاڭبالارى ارقىلى تەكسەرىلىپ كەلگەن.
