ەلوردا تۇرعىنى سۇيىكتىسىنىڭ 1 ميلليون 879 تەڭگەلىك 2 تەلەفونىن ۇرلاپ كەتتى

نۇر-سۇلتان. قازاقپارات - ەلوردا پوليتسياسى جەدەل ىزدەۋ ءىس-شارالارى بارىسىندا ءىرى كولەمدە ۇرلىق جاساۋ كۇدىگىمەن 28 جاستاعى تاكسي جۇرگىزۋشىسىن ۇستادى، دەپ حابارلايدى قازاقپارات ءتىلشىسى.

نۇر-سۇلتان قالالىق پوليتسيا دەپارتامەنتىنىڭ مالىمەتىنشە، قۇقىق قورعاۋ ورگانىنا جۇگىنگەن ەلوردا تۇرعىنى اتالعان جىگىتپەن تاكسي قىزمەتىن پايدالانعان كەزىندە تانىسقانىن ايتقان.

سول ساتتە جاستاردىڭ اراسىندا ماحاببات وتى تۇتانعان. كەزدەسۋلەردىڭ بىرىندە جىگىت زارداپ شەگۋشىنىڭ پاتەرىنە كەلىپ جالپى سوماسى 1 ميلليون 879 مىڭ تەڭگە بولاتىن «ايفون 12» جانە «سامسۋنگ گالاكسي ا21» ماركالى ەكى ۇيالى تەلەفوندى ۇرلاپ كەتكەن.

«كۇدىكتىنىڭ ۇستىنەن قىلمىستىق ءىس قوزعالدى. ۇستالعان ادام كىناسىن مويىنداپ، ۇرلانعان تەلەفونداردى يەسىنە قايتاردى. ونىڭ ەلوردا اۋماعىندا جاسالعان ءدال وسىنداي قىلمىستارعا قاتىسى تەكسەرىلىپ جاتىر»، - دەدى ۆەدومستۆودان.