دونالد ترامپ 1 ميلليون 800 مىڭ ميگرانتقا ا ق ش ازاماتتىعىن بەرۋگە كەلىستى
ءبىراق ونىڭ ەسەسىنە اق ءۇي باسشىسى كونگرەستەن مەكسيكامەن شەكاراعا قابىرعا تۇرعىزۋ ءۇشىن 25 ميلليارد دوللار قارجى ءبولۋدى سۇراماق. سونداي- اق ميگرانتتار وتباسىنا بەرىلەتىن كومەكتى قىسقارتىپ، كەي ەلدەرگە قاتىستى ۆيزالىق لوتەرەيانى الىپ تاستاۋدى ۇسىنىپ وتىر. بۇل تۋرالى ترامپ كونگرەسسكە جولداۋىندا مالىمدەپ، قوس پالاتانى وسى تۋرالى يمميگراتسيالىق زاڭ جوباسىن قابىلداۋعا شاقىردى.
اق ءۇيدىڭ پايىمداۋىنشا، مۇنداي مۇمكىندىكتى ا ق ش اۋماعىنا بالا كەزىندە وتكەن ازاماتتاردى قورعاۋ جونىندەگى باعدارلاماعا قاتىسۋشى 700 مىڭ ادام مەن تاعى 1 ميلليون 100 مىڭ ميگرانت پايدالانا الادى. ەگەر ولار ەشقانداي زاڭعا قايشى ارەكەتتەر جاساماسا بۇل ەلدىڭ ازاماتتىعىنا 10-12 جىل ىشىندە يە بولادى.
كونگرەسسمەندەر قۇجاتتى اقپاننىڭ 5- ءى كۇنى قاراۋعا كىرىسەدى. ال رەسمي دەرەككە جۇگىنسەك، قازىر ا ق ش- تا 10 ميلليوننان استام زاڭسىز ميگرانت بار.
دونالد ترامپ، ا ق ش پرەزيدەنتى:
- مەنىڭ جانە وسى وتىرعان ءار ازاماتتىڭ مىندەتى - حالىقتىڭ قاۋىپسىزدىگىن، ءاربىر وتباسىن جانە امەريكالىق ارمانعا دەگەن قۇقىقتى قورعاۋ. ويتكەنى امەريكا ازاماتتارىنىڭ دا اسقاق ارمانى بار. الداعى اپتالاردا قوس پالاتا يمميگراتسيالىق رەفورما تۋرالى زاڭ جوباسىن قارايدى. قۇجات قوس پارتيانىڭ وكىلدەرىمەن وتكەن كەزدەسۋلەر نەگىزىندە دايىندالدى. بۇل ارقىلى ءبىز مەملەكەتكە اۋاداي قاجەت رەفورمانى قابىلدايمىز.
www.24.kz
