كەلەر جىلعى 1- قاڭتاردان باستاپ جاسىنا قاراي تولەنەتىن مەملەكەتتىك جاردەماقى كولەمى 7 پايىزعا ارتادى

استانا. قازاقپارات - بالالى وتباسىلارعا تولەنەتىن جاردەماقى كولەمى جىل سايىن 7 پايىزعا ارتۋدا.

بۇل تۋرالى ق ر دەنساۋلىق ساقتاۋ جانە الەۋمەتتىك دامۋ مينيسترلىگىنىڭ سەلەكتورلىق رەجىمدەگى القا وتىرىسىندا وسى ۆەدومستۆونىڭ باسشىسى تامارا دۇيسەنوۆا ءمالىم ەتتى، دەپ حابارلاندى باسپا ءسوز قىزمەتىنەن.

ءمينيستردىڭ سوزىنە قاراعاندا، جىل سايىن 380 مىڭ انا جانە 700 مىڭداي بالا 5 ءتۇرلى جاردەماقى الادى. 2015 - جىلعى 1- قاڭتاردان باستاپ جاسىنا قاراي تولەنەتىن مەملەكەتتىك جاردەماقى كولەمى 7 پايىزعا ارتادى. ال 2015 - جىلعى 1 - شىلدەدەن باستاپ مۇمكىندىگى شەكتەۋلى ازاماتتارعا جانە اسىراۋشىسىنان ايىرىلعان وتباسىلارعا تولەنەتىن جاردەماقى كولەمى 7 پايىزعا كوبەيىپ، ول 630 مىڭ ادامدى قامتيدى. وسىلايشا اتالعان جاردەماقىلاردىڭ جالپى ءوسىمى 2013 - جىلمەن سالىستىرعاندا 50 پايىزعا جەتەدى.

 «2017 - جىلعى 1 - قاڭتاردان باستاپ تومەنگى كۇنكورىس دەڭگەيى 2014 - جىلمەن سالىستىرعاندا 34 پايىزعا ارتادى. ناتيجەسىندە بازالىق زەينەتاقى تولەمدەرىنىڭ كولەمى 2016 - جىلمەن سالىستىرعاندا 17 پايىزعا وسەدى» ، - دەدى ت. دۇيسەنوۆا.

اۆتور: رۋسلان عابباسوۆ