قاراعاندى وبلىسىنداعى بالالاردىڭ جاپپاي ۋلانۋى: 1 بالا قايتىس بولىپ، 6 ۋى جانساقتاۋ بولىمىندە جاتىر

قاراعاندى. قازاقپارات - قاراعاندى وبلىسىنىڭ بالالارعا ارناۋلى الەۋمەتتىك قىزمەت كورسەتۋ ورتالىعىندا بالالاردىڭ جاپپاي ۋلانۋ دەرەگى تىركەلدى. ءبىر بالا كوز جۇمدى، تاعى 6 بالا جانساقتاۋ بولىمىندە جاتىر، دەپ حابارلايدى قازاقپارات ءتىلشىسى.
None

30-شىلدەدە ورتالىقتا ەكى بالانىڭ دەنساۋلىق جاعداي ناشارلاعان. ولار قۇسىپ، ءىشى وتكەن. 31-شىلدەدە وسى مەكەمەدەگى تاعى 10 بالادا ۇقساس بەلگىلەرى بار دەرت انىقتالىپ، اۋرۋحاناعا جاتقىزىلدى.

«دارىگەرلەر جەدەل شارالار قولدانعانىنا قاراماستان بالالاردىڭ ءبىرى قايتىس بولدى. بۇگىنگى تاڭدا التى بالا رەانيماتسيادا. قالعاندارى دارىگەرلەردىڭ باقىلاۋىندا»، - دەپ مالىمدەدى قاراعاندى وبلىسى اكىمىنىڭ باسپا ءسوز قىزمەتى.

اۋرۋحاناعا وبلىس اكىمى ەرماعانبەت بولەكپايەۆ كەلدى. ول وبلىستىق دەنساۋلىق ساقتاۋ باسقارماسىنىڭ باسشىلىعىمەن جانە ەمدەۋشى دارىگەرلەرمەن جەدەل كەڭەس وتكىزدى.

وقيعانىڭ سەبەپتەرىن انىقتاۋ ءۇشىن ارنايى كوميسسيا قۇرىلدى.

قىلمىستىق ءىس قوزعالدى جانە قاراعاندى وبلىسىنىڭ ارنايى پروكۋرورلار باسقارماسىنا بەرىلدى.

ەرماعانبەت بولەكپايەۆ تەرگەۋ ناتيجەسىندە جاۋاپتى تۇلعالار انىقتالىپ، قاتاڭ جازالاناتىنىن اتاپ ءوتتى. مەكەمە ديرەكتورىنىڭ مىندەتىن اتقارۋشى اتقاراتىن قىزمەتىنەن شەتتەتىلدى.


سوڭعى جاڭالىقتار