21:42, 10 - تامىز 2016 | GMT +5
جەتى وبلىستا 1,6 ميلليون توننا استىق باستىرىلدى
استانا. قازاقپارات - قازاقستاننىڭ 7 وبلىسىندا 1,6 ميلليون توننا استىق باستىرىلدى. بۇل تۋرالى بۇگىن ۇكىمەت وتىرىسىندا ق ر اۋىل شارۋاشىلىعى ءبىرىنشى ۆيتسە- ءمينيسترى قايرات ايتۋعانوۆ ءمالىم ەتتى.

«وبلىستارداعى اۋىل شارۋاشىلىعى باسقارمالارىنىڭ مالىمەتىنشە، 10 - تامىزداعى دەرەكتەر بويىنشا ەلىمىزدىڭ 7 وبلىسىندا (پاۆلودار، اقتوبە، الماتى، جامبىل، باتىس قازاقستان، قىزىلوردا، وڭتۇستىك قازاقستان وبلىستارى) 732 مىڭ گەكتار القاپتان ءداندى داقىلدار جينالىپ، 1,6 ميلليون استىق باستىرىلدى. ءونىم تۇسىمدىلىگى ورتاشا كورسەتكىشى 21,7 س/گەكتار بولدى. بۇل وتكەن جىلدىڭ وسى كەزەڭىنەن 4,5 س/گەكتارعا ارتىق» ، - دەپ اتاپ ءوتتى ول.
ق. ايتۋعانوۆتىڭ سوزىنە قاراعاندا، وڭتۇستىك ءوڭىر بويىنشا ەگىن وراعى تامىزدىڭ ءۇشىنشى ونكۇندىگى كەزىندە اياقتالادى جانە بۇل رەتتە ەشقانداي پروبلەما بايقالماي وتىر.
اۆتور: رۋسلان عابباسوۆ