بالا كۇتىمىنە بەرىلەتىن تولەم 1,5 جاسقا دەيىن ۇزارتىلدى

استانا. قازاقپارات - مەملەكەت باسشىسىنىڭ تاپسىرماسىنا سايكەس بالا كۇتىمى بويىنشا تولەم ۇزاقتىعى 1,5 جاسقا دەيىن ۇزارتىلدى، دەپ حابارلايدى قازاقپارات ۇكىمەتتىڭ رەسمي سايتىنا سىلتەمە جاساپ.

ۇكىمەتتىڭ مالىمەتتەرىنە قاراعاندا، 2023 -جىلعى 1-تامىزداعى جاعداي بويىنشا رەسپۋبليكالىق بيۋدجەتتەن 107,2 مىڭ جۇمىس ىستەمەيتىن اتا-انا 20,9 ميلليارد تەڭگە سوماسىنا جاردەماقى الدى.

مەملەكەتتىك الەۋمەتتىك ساقتاندىرۋ قورىنان 439,6 مىڭ اتا-انا 144,8 ميلليارد تەڭگە سوماعا تابىسىنان ايىرىلۋ بويىنشا الەۋمەتتىك تولەم الدى.