ۋكرايناعا 1,5 ميلليارد دوللار بولىنەدى
وسىلايشا ۋكرايناعا 1,5 ميلليارد دوللار بولۋگە ۋاعدالاستى. ۋكراينا، دانيا جانە ۇلى بريتانيانىڭ بىرلەسە ۇيىمداستىرعان جيىندا 26 ەلدىڭ باسشىسى وسىنداي شەشىمگە كەلدى.
قارجىنىڭ ءبىر بولىگى قارۋ- جاراققا، وزگە بولىگى مينادان تازارتۋعا جانە ۋكراينا اسكەرىنىڭ بىلىكتىلىگىن ارتتىرۋعا جۇمسالادى. بۇعان دەيىن دۇنيەجۇزى بانكى ۋكرايناعا 4,5 ميلليارد دوللار كولەمىندە قوسىمشا قارجى بولەتىنىن حابارلاعان ەدى. ول ا ق ش گرانتىنىڭ ەسەبىنەن بولىنبەك. بۇل قاراجات ۋكراينانىنىڭ قوردالانعان ماسەلەلەرىن شەشۋگە جۇمسالماقشى.
الەكسەي رەزنيكوۆ، ۋكراينانىڭ قورعانىس ءمينيسترى:
- كونفەرەنسيانىڭ ناتيجەسىنە كوڭىلىم تولدى. كەي مالىمەتتى اشىق ايتا المايمىن، ويتكەنى ول قۇپيا. ءبىراق مينادان تازارتۋعا قاتىستى كەلىسىم جاسالدى، سونداي- اق ورتا جانە ۇزاق مەرزىمدى جوسپاردى تالدادىق. ونىڭ ىشىندە قارۋ- جاراق وندىرىسىنە قاتىستى جوسپار قۇردىق. قازىر شارشاۋعا ۋاقىت جوق. بىزگە كۇش كەرەك. كۇش دەگەنىمىز - قارجى. ەۋروپالىق ارىپتەستەرىمىز وسىنى جاقسى تۇسىنەدى، سوندىقتان ءبىزدى قولداۋعا ءازىر ەكەنىن ءبىلدىردى.
