قازاقستاندا سوڭعى ءۇش جىلدا 1,5 ميلليون شەتەل ازاماتىنا ەڭبەك ەتۋ قۇقىعى بەرىلگەن
«ەلىمىزدىڭ الەۋمەتتىك-ەكونوميكالىق تۇراقتىلىعى شەتەل ازاماتتارىىڭ كوپتەپ كەلۋىنە قولايلى جاعداي قالىپتاستىرىپ وتىر. تەك سوڭعى ءۇش جىلدىڭ ىشىندە ىشكى ىستەر ورگاندارى شەتەلدىك ەڭبەك ميگرانتتارىنا قازاقستاندا ەڭبەك ەتۋگە 1,5 ميلليون رۇقساتناما بەرىپ، ونى ۇزارتقان. ەڭبەك ميگرانتتارىنىڭ سانى اسىرەسە، كوكتەم- جاز كەزىندە وسە تۇسەدى»، - دەلىنگەن مينيسترلىكتىڭ حابارلاماسىندا.
حابارلامادا ايتىلعانداي، كورسەتىلەتىن قىزمەتتەردىڭ ساپاسىن ارتتىرىپ، ونىڭ مەرزىمىن قىسقارتۋ، جەمقورلىق تاۋەكەلدەرىن جويۋ جانە قولايلى جاعداي جاساۋ ءۇشىن قۇرىلعان كوشى- قون قىزمەتى ورتالىقتارىنىڭ قىزمەتى بۇگىندە «ءبىر تەرەزە» قاعيداسىمەن ۇسىنىلادى.
«كوشى-قون قىزمەتى ورتالىعىندا شەتەلدىك ءتولقۇجات پەن كوشى-قون كارتوچكاسىن ۇسىنۋ ارقىلى مەديتسينالىق تەكسەرۋدەن، داكتيلاسكوپيادان وتەدى، ساقتاندىرۋدى راسىمدەپ، مەملەكەتتىك باج سالىعىن تولەيدى، سودان سوڭ وعان جۇمىس جاساۋعا رۇقساتناما راسىمدەلەدى. «ازاماتتارعا ارنالعان ۇكىمەت» بىرىگە وتىرىپ، ەلىمىزدىڭ 14 وڭىرىندە كوشى-قون ورتالىقتارى اشىلدى»، - دەيدى ءى ءى م كوشى-قون قىزمەتى كوميتەتىنىڭ ءتوراعاسى مارات قابدەنوۆ.
مينيسترلىكتىڭ مالىمەتىنە سۇيەنسەك، وتكەن جىلى تۇرعىندارعا 19,5 ميلليون مەملەكەتتىك قىزمەت كورسەتىلسە، سونىڭ 16,5 ميلليونى - كوشى-قون ماسەلەسى بويىنشا. ال بيىلعى جىلعى ءۇش ايىنىڭ قورىتىندىسى بويىنشا ازاماتتارعا كوشى-قون ماسەلەسىنە بايلانىستى 2 ميلليون 777 مىڭ مەملەكەتتىك قىزمەت كورسەتىلدى.
