الماتى ستاتسيونارلارىندا بىلتىر 1,5 مىڭ شەتەلدىك ەمدەلگەن

استانا. قازاقپارات - الماتىلىق دارىگەرلەر شەتەل ازاماتتارىن ەمدەۋدە وزىندىك رەكورد ورناتتى. «بىلتىر 1,5 مىڭعا جۋىق شەتەلدىك ازامات قالا ستاتسيونارلارىندا اقىلى تۇردە ەمدەلگەن. بۇل 2015 -جىلمەن سالىستىرعاندا ەكى ەسە كوپ»، - دەيدى دارىگەرلەر.

بۇل تۋرالى قالالىق دەنساۋلىق ساقتاۋ باسقارماسىنىڭ القا كەڭەسىندە ايتىلدى. مەديتسينالىق تۋريزم اياسىندا جوسپارلى تۇردە كەلىپ، دەرتىنە شيپا ىزدەۋشىلەر سانى دا ارتىپ كەلەدى. ولار كوبىنە گينەكولوگيا، ۋرولوگيا، تراۆماتولوگيا جانە بەت- جاق حيرۋرگياسى ماماندارىنىڭ كومەگىنە جۇگىنەدى. جالپى الماتىنىڭ ەمحانالارى كۇنىنە 140 مىڭنان استام تۇرعىنعا مەديتسينالىق كومەك كورسەتسە، اۋرۋحانالاردا ءارتۇرلى باعىتتا 250 وپەراتسيا جاسالىپ ءجۇر.

 المات قۇداسبايەۆ، قالالىق كارديولوگيا ورتالىعىنىڭ ديرەكتورى:

 - ءبىر جىلدا 5 مىڭنان استام ادامنىڭ جۇرەگىنە ءارتۇرلى وپەراتسيا جاسالىندى. ونىڭ 4700 كوروناروگرافيا جانە ستەندتەۋ وپەراتسيالارى جاسالدى. كورسەتىلگەن ەمنىڭ ناتيجەسىندە مىڭداعان قالا تۇرعىنىن ولىمنەن الىپ قالىپ وتىرمىز.

www.24.kz