الماتى وبلىسىندا وتكەن جىلى مەملەكەتكە 1,5 ميلليارد دوللار قارجى قايتارىلدى
بۇل تۋرالى 2014 - جىلدىڭ قورىتىندىسىنا ارنالعان ۆەدومستۆونىڭ القا ماجىلىسىندە وبلىس پروكۋرورى عابيت ميرازوۆ حابارلادى.
پروكۋرورلىق دەن قويۋ شارالارىمەن 2 ميلليارد تەڭگەگە زاڭسىز كونكۋرس توقتاتىلدى، مەملەكەتتىك مەنشىككە 25 مىڭعا جۋىق گەكتار جەر قايتارىلدى، جوسىقسىز مەردىگەرلەرگە 100 ميلليون تەڭگەگە «اقبۇلاق» باعدارلاماسى بويىنشا جۇمىستاردى مىندەتتى ورىنداۋ جۇكتەلدى.
عابيت ميرازوۆتىڭ ايتۋىنشا، وبلىس پروكۋراتۋراسىنىڭ قىزمەتكەرلەرى جۇمىستاردى رەتتەۋدىڭ ارقاسىندا ەلەۋلى كورسەتكىشتەرگە قول جەتكىزگەن. «پروكۋرور كابينەتى» جوباسىنىڭ قىزمەتى بەلسەندى جۇزەگە استى. زاڭسىز ۇستالعان 91 ادامنىڭ 76 سى بوساتىلدى.
«وتكەن جىلى تەرگەۋ جەلىسى بويىنشا بەلگىلى ءبىر جۇمىستار جۇرگىزىلىپ، قىلمىس ءوسىمى ازايدى. ەگەر 2013 - جىلى 28 مىڭ قىلمىس تىركەلسە، 2014 - جىلدىڭ قورىتىندىسىنا سايكەس ونىڭ سانى 25 مىڭعا ازايعان. بارلىق قىلمىستار بويىنشا تومەندەۋگە قول جەتكىزدىك دەۋگە بولادى. اسا اۋىر جانە اۋىر قىلمىستار 20 پايىزعا كەمىدى»، - دەدى ع. ميرازوۆ.
