ەلىمىزدە 1- ماۋسىمنان بەرى 52 بالا سۋعا باتىپ كوز جۇمدى
وتكەن دەمالىس جانە مەرەكە كۇندەرى قۇتقارۋشىلار ەلىمىزدىڭ سۋ ايدىندارىندا 40 ادامدى، ونىڭ ىشىندە 11 بالانى قۇتقاردى. 54 ادام ، ونىڭ ىشىندە 17 بالا سۋعا باتىپ قايتىس بولدى.
قايعىلى وقيعالاردىڭ ەڭ كوپ بولىگى الماتى (9)، اقمولا (8) قاراعاندى (7) جانە باتىس قازاقستان (6) وبلىستارىندا ورىن الدى. سۋعا شومىلۋ كەزەڭىنىڭ باسىنان (1- ماۋسىمنان) باستاپ ءوز كۇشىن دۇرىس باعالاماۋ، الكوگولدىك ماس كۇيدە سۋعا شومىلۋ، شومىلۋعا تىيىم سالىنعان جەرلەردە، بالالاردى ۇلكەندەردىڭ قاراۋىنسىز قالدىرۋ كەزىندە سۋ ايدىندارىندا 149 ادام، ونىڭ ىشىندە 52 بالا سۋعا باتىپ قايتىس بولدى.
سۋعا باتقانداردىڭ ەڭ كوبى الماتى (19)، تۇركىستان (16)، شىعىس قازاقستان (15) جانە اقمولا (14) وبلىستارىندا تىركەلگەن. سۋعا شومىلۋ كەزەڭى باستالعاننان بەرى سۋ ايدىندارىندا 111 ادام، ونىڭ ىشىندە 23 بالا قۇتقارىلدى.
سۋ ايدىندارىندا ادامداردىڭ قازا بولۋىنا جول بەرمەۋ ماقساتىندا ازاماتتىق قورعاۋ ورگاندارىنىڭ قىزمەتكەرلەرى الدىن الۋ جۇمىستارىن جۇرگىزەدى.
وسىلايشا، حالىق اراسىندا 407 مىڭنان استام ۇگىت-ناسيحات ءونىمى (بۋكلەتتەر، پاراقشالار) تاراتىلدى، حالىقپەن 2 مىڭعا جۋىق جيىن وتكىزىلدى. سونداي-اق پروفيلاكتيكالىق جۇمىسقا 5600 گە جۋىق ۆولونتەر تارتىلدى. قۇتقارۋشىلار مەن پوليتسەيلەر قوعامدىق ورىندارداعى ءتارتىپ ەرەجەلەرىن بۇزۋشىلاردى جانە سۋ ايدىندارىنداعى قاۋىپسىزدىكتى انىقتاۋ بويىنشا بىرلەسكەن رەيدتەر مەن پاترۋلدەۋ جۇمىستارىن جۇرگىزەدى. تجم ازاماتتاردى سۋ ايدىنىنداعى قاۋىپسىزدىك ەرەجەلەرىن ساقتاۋعا شاقىرادى:
- سۋعا كىرۋگە جانە الكوگولدىك جانە ەسىرتكىلىك ماس كۇيىندە شومىلۋعا؛
- قايىقتاردان، كاتەرلەردەن، ايلاقتاردان، سونداي-اق وسى ماقساتتارعا بەيىمدەلمەگەن قۇرىلىستاردان سۋعا سەكىرۋگە؛
- تەكسەرىلمەگەن جانە جابدىقتالماعان جەرلەردە سۇڭگۋ؛
- ءجۇزۋدىڭ شەكاراسىن بەلگىلەيتىن اۋماقتان تىس ءجۇزۋ؛
- جۇزۋگە ارنالماعان زاتتارمەن جۇزۋگە؛
- بالالارعا ەرەسەكتەردىڭ قاراۋىنسىز سۋعا كىرۋگە تىيىم سالىنادى. ءار ادام قاۋىپتى جەرلەردى جانە شومىلاتىن سۋ قويماسىنىڭ ەرەكشەلىكتەرىن ءبىلۋى كەرەك، ويتكەنى جابدىقتالماعان جەرلەردە تاستار، سۋ باسقان بورەنەلەر، تەمىر كەسەكتەرى، شىنى جانە باسقا زاتتار بولۋى مۇمكىن.
