قازاقستاندا 1-5 - سىنىپ وقۋشىلارىنىڭ سومكەسى نورماتيۆتەن 2,5 ەسە اۋىر
بۇگىن ق ر دەنساۋلىق ساقتاۋ ۆيتسە- ءمينيسترى اجار عينياتتىڭ توراعالىعىمەن مەكتەپ مەديتسيناسىنىڭ پروبلەمالىق ماسەلەلەرى بويىنشا ونلاين- جۇمىس كونفەرەنسياسى ءوتتى. جيىندا انا مەن بالا دەنساۋلىعىن قورعاۋ دەپارتامەنتى بالالار مەن جاسوسپىرىمدەر دەنساۋلىعىن قورعاۋ باسقارماسىنىڭ باستىعى جانار سادۋوۆا قازىرگى جاعداي تۋرالى باياندادى.
ونىڭ ايتۋىنشا، وقۋ كەشەندەرىندەگى گيگيەنالىق نورماتيۆ پەن تاماقتانۋ ستاندارتتارىنىڭ ساقتالۋىنا جاسالعان مونيتورينگ بارىسىندا 1-5 - سىنىپ وقۋشىلارىندا ريۋكزاك سالماعى بويىنشا نورماتيۆتىڭ 2-2,5 ەسەگە دەيىن اسىپ كەتكەنى انىقتالدى، ال جەكە شكافتارمەن بار بولعانى % 25,8 جابدىقتالعان.
«ەگەر مەكتەپتەگى دەنساۋلىق ساقتاۋ جۇيەسىنە جيىنتىق تالداۋ جۇرگىزسەك، وندا وندىرىستىك پرينتسيپ بويىنشا ساۋىقتىرۋدىڭ تومەن ەكەنى بايقالادى. ياعني، تۇرعىلىقتى جەرى مەن وقۋ ورنى اراسىندا ايىرماشىلىق بولعان كەزدە ەمحانالار اراسىنداعى ساباقتاستىق، مەديتسينالىق اقپاراتتىق جۇيەلەردى ەنگىزۋدىڭ جەتكىلىكسىز دەڭگەيى جانە مەكتەپتەردەگى مەديتسينالىق پۋنكتتەر كومپيۋتەرلەر جەتپەگەننەن زارداپ شەگۋدە»، - دەپ اتاپ ءوتتى جانار سادۋوۆا.
مەديتسينالىق كابينەتتەردى جابدىقتاۋ ستاندارتتالدى، BLS وقۋمەن جانە «مەكتەپ مەديتسيناسى» سيكلىمەن قامتىلعان، مەكتەپتەگى مەديتسينا قىزمەتكەرلەرىنىڭ ساناتتىلىعى ارتتى، «مەكتەپ وقۋشىلارىنىڭ تاماقتانۋ راتسيونى بويىنشا ءبىرىڭعاي ستاندارتتار» ازىرلەندى جانە مەديتسينالىق اقپاراتتىق جۇيەلەردى مەكتەپتىڭ دەنساۋلىق ساقتاۋ جۇيەسىنە كەزەڭ- كەزەڭىمەن ەنگىزۋ.
«مەكتەپ مەديتسينا قىزمەتكەرلەرىنىڭ بىلىكتىلىگىن ۋاقىتىلى ارتتىرۋدى جوسپارلاۋ، وقۋشىلاردى پروفيلاكتيكالىق تەكسەرۋ جاعىن دامىتۋعا بولادى. سونداي- اق، مەنشىك نىسانىنا قاراماستان مەديتسينالىق ۇيىمداردى جاساقتاۋدى، مەملەكەتتىك مەديتسينالىق ۇيىمداردى «مەكتەپ مەديتسيناسى» سەرتيفيكاتى بار دارىگەرلەرمەن قامتاماسىز ەتۋ قاجەت»، - دەدى سادۋوۆا.
ءىس- شارادا نۇر- سۇلتان قالاسىنىڭ مەكتەپ مەديتسيناسى ۇيلەستىرۋشىسىنىڭ جانە مەديتسينالىق ساقتاندىرۋ قورىنىڭ تالداۋ جانە بولجامداۋ دەپارتامەنتى وكىلىنىڭ باياندامالارى تىڭدالدى. ۆيتسە- مينيستر ا. عينيات جوعارىدا كورسەتىلگەندەردى ەسكەرە وتىرىپ، جەرگىلىكتى دەنساۋلىق ساقتاۋ باسقارمالارىنا، قۇرىلىمدىق بولىمشەلەر مەن مينيسترلىككە قاراستى مەديتسينالىق ۇيىمدارعا پروبلەمالىق ماسەلەلەردى شەشۋ ءۇشىن ءتيىستى تاپسىرمالار بەردى.
اۆتور: اياۋلىم التىنبەك
