بەس مىڭنان استام ساربازدىڭ 1,4 ميلليارد تەڭگە كرەديتى كەيىنگە شەگەرىلدى

استانا. قازاقپارات - مەرزىمدى اسكەري بورىشىن وتەۋگە شاقىرىلعاندارعا كرەديتتىك دەمالىس بەرۋ ىسكە اسىرىلىپ كەلەدى.

بۇل تۋرالى ق ر قارۋلى كۇشتەرى باس شتابى ۇيىمداستىرۋ- جۇمىلدىرۋ جۇمىستارى دەپارتامەنتىنىڭ باستىعى باۋىرجان ارتىقوۆ ايتتى، دەپ حابارلايدى قازاقپارات ءتىلشىسى.

مەرزىمدى اسكەري قىزمەتتىڭ بەدەلى مەن تارتىمدىلىعىن ارتتىرۋ بويىنشا جۇمىس جۇرگىزىلۋدە. بۇگىنگى تاڭدا مەرزىمدى قىزمەتتەگى اسكەري قىزمەتشىلەرگە كرەديتتىك دەمالىستار ۇسىنۋ بويىنشا ءىس- شارالار ىسكە اسىرىلۋدا. اتاپ ايتقاندا، 2022-2023 -جىلدارى 3,2 ميلليارد تەڭگە كولەمىندە 20300 كرەديتى بار سارباز انىقتالدى. بۇگىنگى تاڭدا 8800 قارىز بەن ميكروكرەديت بويىنشا 5 مىڭنان استام اسكەري قىزمەتشىنىڭ 1,4 ميلليارد تەڭگە مولشەرىندەگى تولەمدەرى كەيىنگە قالدىرىلدى، - دەدى باۋىرجان ارتىقوۆ ورتالىق كويۋنيكاتسيالار قىزمەتىندە وتكەن باسپا ءسوز ءماسليحاتىندا.

ايتا كەتەيىك، قازاقستاندا مەرزىمدى اسكەرگە شاقىرۋدىڭ كۇزگى ناۋقانى باستالدى. جىل سوڭىنا دەيىن 19 مىڭنان اسا ازامات قارۋلى كۇشتەر مەن باسقا دا اسكەري قۇرىلىم قاتارىن تولىقتىرادى.

سونداي- اق قورعانىس مينيسترلىگى اسكەردەن بوساتۋ بويىنشا كومەك ۇسىناتىن، ول ءۇشىن اقى سۇرايتىن جانداردان ساق بولۋعا كەڭەس بەرەدى.