قازاقستاندىقتار مامىر ايىندا 1,4 مىڭنان استام التىن قۇيما ساتىپ العان

نۇر-سۇلتان. قازاقپارات - ەل تۇرعىندارى 2020 -جىلعى مامىر ايىندا 1467 التىن قۇيما ساتىپ الدى، دەپ حابارلايدى قازاقپارات ق ر ۇلتتىق بانكىنىڭ باسپا ءسوز قىزمەتىنە سىلتەمە جاساپ.

«2020 -جىلعى مامىردا ەل تۇرعىندارى ەكىنشى دەڭگەيدەگى بانكتەردەن جانە ايىرباستاۋ پۋنكتەرىنەن جالپى سالماعى 62165 گرام 1467 ولشەمدى قۇيما ساتىپ الدى. بارلىعى 2017 -جىلدان باستاپ جالپى سالماعى 845060 گرام 25968 ولشەمدى قۇيما ساتىلدى»، دەلىنگەن حابارلامادا.

التىن قۇيمالارى 5، 10، 20، 50 جانە 100 گرامدىق بولىپ بەس سالماقتا ساتىلعان. سونىڭ ىشىندە ەڭ كوپ ساتىلعانى 10 گرامدىق قۇيمالار. التىن قۇيما ساتىپ الۋدا الماتى قالاسى (ساتىلعان قۇيمالاردىڭ جالپى سانىنىڭ % 50,3)، ودان كەيىن اتىراۋ (%18,4)، نۇر-سۇلتان (%11,4) كوشباستادى.

باسقا وڭىرلەر بۇل كورسەتكىش %19,9 بولدى. جالپى سالماعى 3010 گرام 106 قۇيما كەرى وتكىزىلدى. قازىرگى كەزدە التىن قۇيمالارىن Halyk Bank تەن، ەۋرازيالىق انكتەن، J‎san Bank-تەن، بانك سەنتركرەديتتەن، سونداي-اق ايىرباستاۋ پۋنكتەرىنەن ساتىپ الۋعا جانە ولاردى قايتا وتكىزۋگە بولادى.

ءاربىر قۇيما قورعانىش ەلەمەنتتەرىمەن (قۇيمالاردىڭ بەت جاعى ايناداي، ميكروماتىن جانە بەدەرلى گۋرت) جانە قۇيمالاردى مەحانيكالىق زاقىمدانۋدان قورعايتىن جانە وراۋى اشىلعانىن نەمەسە اشىلماعانىن تەز انىقتاۋعا مۇمكىندىك بەرەتىن ارنايى وراۋدا شىعارىلادى. قورعانىش وراۋى قۇيما ساپاسىنىڭ سەرتيفيكاتىن بىلدىرەدى. 2020 -جىلعى 5-ماۋسىمداعى مالىمەت بويىنشا التىننىڭ 1 گرامى 21918,57 تەڭگە بولدى.