جاڭا جىلدىق مەرەكە كۇندەرىنىڭ جارتىسىندا قىتايدا 1,38 ميلليارد جولاۋشى تاسىمالداندى

 استانا. قازاقپارات - قىتايدا ەلدەگى كولىك تاسىمالىنىڭ ەڭ جوعارى كورسەتكىشتەرىنە قول جەتكىزىلەتىن جاڭا جىلدى مەرەكەلەۋ اياسىنداعى 40 كۇننىڭ جارتىسى ارتتا قالدى.

24 - قاڭتاردان 12 - اقپانعا دەيىن تەمىر جولمەن، تاس جولمەن، سۋداعى كولىكپەن جانە اۋە تاسىمالىمەن 1,38 ميلليارد جولاۋشى تاسىمالداندى. وتكەن جىلدىڭ سايكەس مەرزىمىمەن سالىستىرعاندا ءوسىم 3,3 پايىزدى قۇرادى، دەپ حابارلايدى شينحۋا ق ح ر كولىك مينيسترلىگىنە سىلتەمە جاساپ.

تەمىر جولمەن 150 ميلليون جولاۋشى (ءوسىم 9,1 پايىز)؛ تاس جولمەن 1,18 ميلليارد جولاۋشى (ءوسىم 2,8 پايىز)؛ سۋداعى كولىكپەن 21,649 ميلليون جولاۋشى (وتكەن جىلعىدان 3,2 پايىزعا كەم)؛ ازاماتتىق اۆياتسيا ارقىلى 24,997 ميلليون جولاۋشى (ءوسىم 3,1 پايىز) تاسىمالداندى.