ەلوردادا 1-سىنىپتا 36 بالادان ءبىلىم الۋعا ءماجبۇر

استانا. قازاقپارات - ەلوردادا 1-سىنىپتا 36 بالادان ءبىلىم الۋعا ءماجبۇر. بۇل تۋرالى استانا قالالىق ءبىلىم باسقارماسىنىڭ باسشىسى قاسىمحان سەنعازيەۆ ايتتى، دەپ حابارلايدى قازاقپارات ءتىلشىسى.

ەلوردادا ءوتىپ جاتقان ءبىلىم سالاسى قىزمەتكەرلەرىنىڭ رەسپۋبليكالىق تامىز كەڭەسى اياسىندا ب ا ق وكىلدەرى قاسىمحان سەنعازيەۆتەن: «بيىل الەۋمەتتىك جەلىدە استاناداعى مەكتەپتەردە ءبىر سىنىپتا 52 بالا وتىرۋى مۇمكىن دەگەن اقپارات تارادى. قازىر ورتاشا ەسەپپەن قالاداعى مەكتەپتەردە ءبىر سىنىپ قانشا بالا وتىرادى؟»، - دەپ سۇراعان ەدى.

«استاناداعى مەكتەپتەردە ورىن تاپشىلىعى ماسەلەسىنىڭ وزەكتى ەكەنى بەلگىلى. قازىرگى تاڭدا قالادا 26 مىڭ وقۋشىعا ورىن جەتپەيدى. 8 مەكتەپ 3 اۋىسىمدا وقيدى. 18 مەكتەپتە وقۋشىلار شامادان تىس ءبىلىم الادى. ءبىر سىنىپتا 52 بالا وقيدى دەگەن دەرەك جوق. ەلورداداعى مەكتەپتەردە ءبىر سىنىپتا 30-34 بالادان، ال ءۇش اۋىسىمدى مەكتەپتەردە 35-36 بالادان ءبىلىم الادى»، - دەپ جاۋاپ بەردى باسقارما باسشىسى.