09:11, 04 - تامىز 2023 | GMT +5
قىتايدا نوسەرگە بايلانىستى 1,2 ميلليوننان استام ادام ەۆاكۋاتسيالاندى
شىجياجۋاڭ. قازاقپارات - قىتايدىڭ سولتۇستىگىندەگى حىبي پروۆينسياسىندا كەيىنگى بىرنەشە كۇندە تولاسسىز جاۋعان جاڭبىر سالدارىنان 1,2 ميلليوننان استام ادام ەۆاكۋاتسيالاندى، دەپ حابارلايدى قازاقپارات «شينحۋا» اگەنتتىگىنە سىلتەمە جاساپ.

قاۋىپسىز جەرگە كوشىرىلگەندەردىڭ 857,2 مىڭى - تاسقىن سۋلارىن جيناۋ جانە ساقتاۋ ورىندارى بار اۋماقتاردىڭ تۇرعىندارى.
«دوكسۋري» تايفۋنى اكەلگەن نوسەر جاۋىن 27-شىلدەدەن بەرى حەبەي پروۆينسياسىنىڭ كوپ بولىگىندە قۇيىپ ءوتتى. مۇنداعى جاۋىن- شاشىننىڭ ورتاشا مولشەرى 146 م م استى.
وسى ۋاقىتقا دەيىن پروۆينتسيادا قۇتقارۋ وپەراتسيالارىنا، سۋ تاسقىنىنا قارسى ءىس-شارالارعا جانە تابيعي اپاتتىڭ سالدارىن جويۋ جۇمىستارىنا كومەك كورسەتۋ ءۇشىن 100 مىڭنان استام ادامنان تۇراتىن 4700-دەن ارتىق توپ جۇمىلدىرىلدى.