قازاقستان 1,2 ميلليون پ ت ر- تەستىن ساتىپ الادى
«نۇر- سۇلتان مەن الماتى قالالارىندا شامامەن 200 مىڭ پ ت ر- تەستى بار. قازىرگى ۋاقىتتا تاۋلىگىنە شامامەن 28 مىڭ تەست وتكىزىپ جاتىرمىز. ونى الداعى ۋاقىتتا 30 مىڭعا دەيىن جەتكىزەتىن بولامىز»، - دەدى ءلاززات اقتايەۆا ورتالىق كوممۋنيكاتسيالار قىزمەتىندەگى بريفينگ بارىسىندا.
سونىمەن قاتار، ول ق ر پرەمەر- ءمينيسترى اسقار ءماميننىڭ توراعالىعىمەن وتكەن ۆەدومستۆوارالىق كوميسسيا وتىرىسىندا اكىمدەرگە جەرگىلىكتى مەديتسينا ۇيىمدارىندا قوسىمشا پ ت ر- زەرتحانالارىن اشۋ تۋرالى تاپسىرما بەرىلگەندىگىن اتاپ ءوتتى.
«الداعى 10 كۇننىڭ ىشىندە 1 ميلليون 200 مىڭ پ ت ر- تەستى ساتىپ الىنادى»، - دەدى ءمينيستردىڭ مىندەتىن اتقارۋشى.
قاجەتتىلىك تۋىنداعان جاعدايدا ەلىمىزگە وكپەنى جاساندى جەلدەتۋ اپپاراتتارى قوسىمشا ساتىپ الىناتىن بولادى.
«ەلىمىزدىڭ ستاتسيونارلارىندا وكپەنى جاساندى جەلدەتۋگە ارنالعان 3200-دەن استام اپپارات بار. ينفەكسيالىق ستاتسيونارلاردىڭ جانساقتاۋ بولىمشەلەرىنە اتالعان اپپاراتقا قاجەتتىلىك تۋىنداعان جاعدايدا ولار قوسىمشا قامتاماسىز ەتىلەتىن بولادى. دەگەنمەن بۇگىنگى كۇنى ينفەكسيالىق ستاتسيونارلاردىڭ بولىمشەلەرىندەگى وكپەنى جاساندى جەلدەتۋ اپپاراتتاردىڭ تەك ۇشتەن ءبىرى عانا جاعدايى وتە اۋىر پاتسيەنتتەرگە مەديتسينالىق كومەك كورسەتۋ ءۇشىن قولدانىلىپ جاتىر»، - دەدى ءلاززات اقتايەۆا ورتالىق كوممۋنيكاتسيالار قىزمەتىندەگى بريفينگ بارىسىندا ب ا ق وكىلدەرىنىڭ ساۋالىنا وراي.
اۆتور: مارلان جيەمباي
