قازاقستاندا 1,2 مىڭ اۋىلعا تارتىلاتىن ينتەرنەت قالاداعى تاريفتەن ارزان بولادى
بۇل مالىمەت «قازاقپارات» ح ا ا ءتىلشىسىنىڭ ق ر اقپارات جانە كوممۋنيكاتسيالار مينيسترلىگىنە جولداعان رەسمي ساۋالىن بەرىلگەن جاۋاپتا كورسەتىلگەن.
« 1249 اۋىلدىڭ ءتىزىمى 2017 -جىلعى 13 - جەلتوقسانداعى №435 «قازاقستان رەسپۋبليكاسىنىڭ اۋىلدىق ەلدى مەكەندەرىن تالشىقتى- وپتيكالىق بايلانىس جەلىلەرى تەحنولوگياسى بويىنشا كەڭ جولاقتى قولجەجەتىمدىلىكپەن قامتاماسىز ەتۋ» مەملەكەتتىك- جەكەشەلىك ارىپتەستىك جوباسىنىڭ تۇجىرىمداماسىن بەكىتۋ تۋرالى» اقپارات جانە كوممۋنيكاتسيالار ءمينيسترىنىڭ بۇيرىعىمەن بەكىتىلدى»، - دەپ حابارلايدى مينيسترلىكتەن.
رەسمي جاۋاپقا سايكەس، «تالشىقتى- وپتيكالىق بايلانىس جەلىلەرىمەن قازاقستان رەسپۋبليكاسىنىڭ اۋىلدى ەلدى مەكەندەرىنىڭ كەڭجولاقتى قاتىناۋمەن قامتاماسىز ەتۋ» جوباسى 14 وبلىستى قامتىماق.
«مەملەكەتتىك- جەكەشەلىك ارىپتەستىك تۋرالى» زاڭعا سايكەس كونكۋرستىق قۇجاتتاما بەكىتىلگەننەن كەيىن، جوبانىڭ جەكە ارىپتەستەرىن ايقىنداۋ بويىنشا كونكۋرس جاريالانىپ، كەلىسسوز جۇرگىزىلەتىن كومپانيالار انىقتالادى. ينتەرنەت جەلىسىن تاراتۋ كەزەڭگە ءبولىنىپ 3 جىل ىشىندە جۇرگىزىلەدى. 1249 اۋىلعا ينتەرنەت تارتۋ جۇمىسىن 2021 -جىلعا اياقتاۋ جوسپارلانىپ وتىر»، - دەلىنگەن حابارلامادا.
مينيسترلىكتىڭ مالىمەتىنشە، ينتەرنەت قىزمەتىنىڭ تاريفتەرى ورتا نارىقتىق باعادا جانە قالالىق تاريفتەردەن تومەن بولاتىندىعى جوسپارلانۋدا.
اۆتور: ايان بەكەن ۇلى
