بەلگيادا 1 ليتر بەنزيننىڭ باعاسى 2 ەۆرودان(شامامەن 902 تەڭگە) جوعارى بولادى

بريۋسسەل. قازاقپارات - بەلگيادا بەنزين باعاسى تاعى دا شارىقتاپ كەتتى. ەكونوميكا جونىندەگى فەدەرالدىق قىزمەت 17-مامىردان باستاپ، جانارماي قۇيۋ ستانسيالارىنا قويۋعا رۇقسات ەتىلگەن باعا تاعى دا ارتا تۇسەتىنىن ءمالىم ەتتى، دەپ حابارلايدى قازاقپارات.

بەلگيادا العاش رەت 95 ماركىلى بەنزيننىڭ 1 ليترى 2 ەۆرودان اسىپ، 2,025 ەۆروعا جەتەدى (شامامەن 1 ليتر بەنزين 902 تەڭگە بولادى). سونداي-اق 98 ماركىلى بەنزيننىڭ ەڭ جوعارعى باعاسى 2,20 ەۆرودان اسادى.

بۇل جولعى باعانىڭ ءوسىمى وسىعان دەيىنگى ۇكىمەت بەكىتكەن باعادان 9,2 ەۆروتسەنتكە قىمبات بولىپ وتىر. 98 (E5) بەنزينىنىڭ باعاسى 16,1 ەۆروتسەنتكە قىمباتتايدى.