بيۋدجەتتەن 1,1 ميلليارد تەڭگە جىمقىرعان ەكى قازاقستاندىققا ىزدەۋ سالىندى

نۇر- سۇلتان. قازاقپارات - ءىرى كولەمدە مەملەكەت بيۋدجەتىن جىمقىرعان قازاقستاننىڭ 2 ازاماتىنا ىزدەۋ سالىندى، دەپ حابارلايدى قازاقپارات ءتىلشىسى قارجىلىق مونيتورينگ اگەنتتىگىنە سىلتەمە جاساپ.
None
None

«قارجىلىق مونيتورينگ اگەنتتىگى كاسىپكەر جەكسەنعاليەۆ انۋاربەك بولات ۇلى جانە مەدەتبەكوۆ ەركىن قالقاباي ۇلىنا ىزدەۋ جاريالادى. ولار 1,1 ميلليارد تەڭگە سوماسىندا بيۋدجەت قاراجاتىن جىمقىردى دەگەن كۇدىككە ءىلىندى. كۇدىكتىلەر بيۋدجەت قاراجاتىن جىمقىرۋدى الدىن الا ءسوز بايلاسۋ ارقىلى توپ بولىپ ۇيىمداستىرعان»، - دەلىنگەن حابارلامادا.

سونداي- اق، اگەنتتىك ىزدەۋ سالىنعان ازاماتتارعا قاتىستى اقپارات ءۇشىن اقشالاي سىياقى قاراستىرىلعانىن جەتكىزدى. سول سياقتى حابارلاعان ادامنىڭ اتى- ءجونى جاسىرىن قالاتىنىنا كەپىلدىك بەرىلەدى.

«ايىپتىلاردى انىقتاعان نەمەسە ولاردىڭ ورنالاسقان جەرى تۋرالى ىقتيمال اقپاراتتى بىلگەن جاعدايدا اگەنتتىكتىڭ 77172708478، 77172767921 ءنومىرلى سەنىم تەلەفوندارى ارقىلى نەمەسە نۇر- سۇلتان قالاسى بەيبىتشىلىك كوشەسى، 10 مەكەنجايىنا حابارلاسۋدى سۇرايمىز»، - دەيدى ۆەدومستۆودان.

سوڭعى جاڭالىقتار