قىتاي عالىمدارى 1.1 سەكۋندتا قۋاتتالاتىن ەرەكشە باتارەيا ويلاپ تاپتى

  استانا. قازاقپارات - قىتايدىڭ جىجياڭ ۋنيۆەرسيتەتىنىڭ عالىمدارى 1.1 سەكۋندتا قۋاتتالاتىن، سۋىق پەن ىستىققا ءتوزىمدى جاڭا تيپتەگى اليۋميني ــ گرافەن باتارەياسىن ويلاپ تاپتى.  

بۇل تۋرالى «جەنمين جيباو» سايتى حابارلادى. اتالعان باتارەيا ىستىققا دا، سۋىققا دا شىدامدى ءارى بۇكتەۋگە بولاتىن يكەمدىلىگىمەن ەرەكشەلەنۋدە.

 ونىڭ ءبىر بەتى گرافەن جۇقا قابىرشاقتى، ەكىنشى بەتى ءتۇستى مەتالل. ەكى دانا باتارەيانى ءبىر بىرىنە جالعاساڭىز LED شىراعىن جاندىرماق. ال قۋاتتاۋ سيىمدىلىعى 120mAh/g. 250 مىڭ رەت توقتاۋسىز جۇمىس ىستەگەننەن كەيىن دە قوسىمشا 91 پايىز قۋات كۇشى قالاتىنى انىقتالعان. سونىمەن قاتار، بۇل باتارەيانى - 40 گرادۋس سۋىقتىقتان 120 گرادۋس ىستىققا دەيىن قولدانۋعا بولادى.

 

اۆتور:ريزابەك نۇسىپبەك ۇلى