ا ق ش كونگرەسىنىڭ وكىلدەر پالاتاسى 1,1 تريلليون دوللار بيۋدجەت قارجىسىن قابىلدادى

استانا. قازاقپارات - ا ق ش كونگرەسىنىڭ وكىلدەر پالاتاسى 1,1 تريلليون دوللار كولەمىندە الداعى 9,5 ايعا ارنالعان بيۋدجەت قارجىسىن قابىلدادى.

 1 مىڭ 600 بەتتەن تۇراتىن زاڭ جوباسىن دەپۋتاتتاردىڭ 219 ى قولداپ، 206 سى قارسى داۋىس بەرگەن. اتالعان قۇجات بيىلعى قارجى جىلىنىڭ اياقتالۋىنا تۋرا 2,5 ساعات قالعاندا ماقۇلدانىپ ۇلگەردى.

 وسى مەرزىمنەن كەشىككەن جاعدايدا فەدەرالدى بيلىك ورگاندارى قارجىسىز قالاتىن ەدى. ەندى زاڭ جوباسى سەناتقا جىبەرىلىپ، پرەزيدەنت باراك وباماعا قول قويۋ ءۇشىن ۇسىنىلۋى كەرەك. ءبىراق بۇل جوباعا قارسى ساياساتكەرلەر رەسپۋبليكاشىلداردىڭ دا، دەموكراتتاردىڭ دا اراسىندا جەتەرلىك. سوندىقتان «سەناتتاعى داۋىس بەرۋ بارىسىن ازىرگە بولجاۋ قيىن»، - دەيدى ساراپشىلار.

www.khabar.kz