جاڭا جىلدا قىتايلىقتار وتكەن جىلدان 0,44 پايىزعا ارتىق ىشكى تۋريستىك ساپار جاسادى
بۇل تۋرالى شينحۋا اگەنتتىگىنە سىلتەمە جاساپ «قازاقپارات» ح ا ا حابارلايدى.
قىتاي حالىق رەسپۋبليكاسىنىڭ مادەنيەت جانە تۋريزم مينيسترلىگىنىڭ مالىمەتى بويىنشا، وسى كەزەڭدەگى تۋريزم سالاسىنىڭ كىرىسى 26,5 ميلليارد يۋاننان استام (شامامەن 3,8 ميلليارد ا ق ش دوللارى) بولدى. بۇل وتكەن جىلدىڭ سايكەس كەزەڭىمەن سالىستىرعاندا 4 پايىزعا ارتىق.
2-قاڭتاردا اياقتالعان مەرەكەدە قىتايدىڭ مادەني جانە تۋريستىك نارىعى تۇراقتى جانە تارتىپپەن جۇمىس ىستەدى.
مەرەكە كۇندەرى ساياحاتشىلار اراسىندا قىسقا قاشىقتىققا ەكسكۋرسيالار ەرەكشە سۇرانىسقا يە بولدى، ال جاستار بۇرىنعىداي قار مەن مۇز ويىن-ساۋىقتارىن، كەمپينگتەر مەن رولدىك ويىنداردى ۇناتادى، دەپ حابارلادى مينيسترلىك.
مالىمەتتەر سونىمەن قاتار ورتا جانە ۇزاق قاشىقتىققا ىشكى ءتۋريزمنىڭ قالپىنا كەلۋىن كورسەتەدى، دەپ قوستى اگەنتتىك. اتاپ ايتقاندا، كەيبىر ونلاين تۋريستىك اگەنتتىكتەر باسقا پروۆينسيالارعا نەمەسە شەكارادان وتەتىن مەرەكەلەرگە تاپسىرىس بەرۋدىڭ ايتارلىقتاي وسكەنىن حابارلادى.
بەيسەن سۇلتان ۇلى
