قازاقستاندا جالپى ىشكى ءونىمنىڭ 0,1 پايىزعا ءوسۋى نەنى بىلدىرەدى؟ - ساراپشى پىكىرى
«بيىل ءبىرىنشى جارتىجىلدىقتىڭ قورىتىندىسى بويىنشا، قازاقستان ەكونوميكاسى 0,1 پايىزعا ارتقاندىعىن راستاعىم كەلەدى. سىرتقى كونيۋنكتۋرا اسەرىنەن ءبىزدىڭ ۇلتتىق ەكونوميكا ەداۋىر قيىندىقتارعا تاپ بولعان ەدى. ءبىراق ءبىزدىڭ ۇكىمەت، ۇلتتىق بانكپەن بىرلەسىپ «نۇرلى جول» ءتارىزدى باعدارلاما ازىرلەدى، «100 قادام» داعدارىسقا قارسى جوسپارىن دەر ۋاقىتىندا باستادى. بارلىق وسى شارالار بىزگە قولايسىز سىرتقى فاكتورلارعا جاۋاپ بەرۋگە جانە بيىلعى جىلدىڭ ءبىرىنشى جارتىسىندا وڭ ناتيجەلەرگە قول جەتكىزۋگە مۇمكىندىك جاسادى»، - دەيدى ول.
«ج ءى ءو-نىڭ 0,1 پايىزعا ءوسۋى نەنى بىلدىرەدى؟ بىرىنشىدەن، ج ءى ءو- نىڭ مۇنداي وڭ كورسەتكىشى قازاقستانعا بيۋدجەت تاپشىلىعى اسەرىنەن قوسىمشا قارىز الۋدان ارىلتتى. سالىق ەسەبىنەن بيۋدجەتتىڭ كىرىس بولىگى ارتقان تۇستا، بيۋدجەت تەپە- تەڭدىگى ارتادى، ءوز شىعىندارىن وتەۋگە قاۋقارى جەتەدى. ەكىنشىدەن، ۇكىمەت ءوز موينىنا الىپ وتىرعان بارلىق الەۋمەتتىك مىندەتتەردى ورىنداۋعا، اسىرەسە وعان قاتتى قاجەتتىلىك تانىتىپ وتىرعان حالىقتىڭ از قامتىلعان بولىگىنە الەۋمەتتىك جاردەماقىلار تولەۋگە مۇمكىندىك الادى. بۇل كورسەتكىش الەۋمەتتىك مىندەتتەمەلەردىڭ دەڭگەيىن ساقتاپ قانا قويماي، ونى جوعارىلاتۋعا دا قاۋقارلى ەتەدى»، - دەپ اتاپ ءوتتى ساراپشى.
ونىڭ ءسوزى بويىنشا، ج ءى ءو دەڭگەيىنىڭ ءوسۋى جاڭا جۇمىس ورىندارىن اشۋعا دا جول اشادى. سەبەبى سالالىق باعدارلامالار تۇراقتى جاڭا جۇمىس ورىندارىن اشۋعا باعىتتالىپ وتىر.
«جۇمىسپەن قامتۋدى ۇلعايتۋ جانە قۇرۋ وتە ماڭىزدى، حالىق جۇمىسقا ورنالاسىپ، وندا تۇراقتاپ قالا السا، بۇل ۇكىمەتتىڭ ماۋسىمدىق نەمەسە قىسقا مەرزىمدى جۇمىسى ەمەستىگىن سەزىنەدى. سونداي- اق، ءجىو- ءنىڭ ءوسۋى شەتەلدىك ينۆەستورلاردى تارتۋ ءۇشىن العىشارتتار قۇرادى»، - دەدى س. ماديەۆ.
اۆتور: جاسۇلان جولدىبايەۆ
