«ەڭ ۇزىن لاعمان»: جاڭا رەكورد ورناتىلماق

الماتى. قازاقپارات  - 1 - مامىر - حالىقتار دوستىعى كۇنىنە وراي الماتىنىڭ كوپ ۇلتتى اۋداندارىنىڭ ءبىرى - جەتىسۋ اۋدانىندا ەرەكشە شارا وتەدى.

ۇلتتىق تاعامداردى ناسيحاتتاپ، ۇلتتار اراسىنداعى بىرلىكتى نىعايتۋ ماقساتىندا «قازاقستاننىڭ ەڭ ۇزىن لاعمانى» ازىرلەنىپ، جاڭا قازاقستان رەكوردى تىركەلمەك.

- شاراعا جەتىسۋ اۋدانىنىڭ تۇرعىندارى، ءتۇرلى ەتنوس وكىلدەرى بەلسەنە قاتىسادى. بۇل باستاما حالقىمىزدىڭ ۇلتتىق قۇندىلىقتارى مەن كوپ ەتنوستى قوعامنىڭ تاتۋلىعىن دارىپتەۋدى كوزدەيدى. لاعمان - ءارتۇرلى ۇلت وكىلدەرى ءسۇيىپ جەيتىن تاعام، سوندىقتان بۇل رەكورد ورتاق مادەني مۇرانىڭ بەلگىسى بولماق، - دەلىنگەن الماتى قالاسى اكىمدىگى حابارلاماسىندا.

ءىس-شارانى جەتىسۋ اۋدانى ەتنو-مادەني ورتالىقتارى ۇيىمداستىرىپ وتىر. رەكورد قازاقستان رەكوردتار كىتابىنىڭ وكىلدەرى قاتىسۋىمەن رەسمي تۇردە تىركەلەدى.

ايتا كەتەلىك توپاي اسىق جيناعان اقتوبەلىك كوللەكتسيونەر گيننەسس رەكوردتار كىتابىنا ەنگىسى كەلەتىنى تۋرالى جازعان ەدىك.