ە و ەلدەرى ب ۇ ۇ اسكەرىن ليۆاننىڭ وڭتۇستىگىنەن شىعارمايدى - اۋستريا س ءى م

استانا. KAZINFORM - ليۆانداعى ب ۇ ۇ بىتىمگەرشىلىك كۇشىنە (UNIFIL) ۇلەس قوسىپ جاتقان ەۋروپالىق وداق ەلدەرى يزرايلدىڭ شاقىرۋلارىنا قاراماستان، ەلدىڭ وڭتۇستىگىنەن اسكەرلەرىن شىعارۋعا نيەتى جوق.

بۇل تۋرالى اۋستريا سىرتقى ىستەر ءمينيسترى الەكساندر شاللەنبەرگ مالىمدەدى.

جەكسەنبى كۇنى پرەمەر-مينيستر بينيامين نەتانياحۋ ب ۇ ۇ-نى ليۆانداعى ب ۇ ۇ ۋاقىتشا كۇشتەرىن (UNIFIL) «حەزبوللا» بەكىنىستەرى مەن ۇرىس ايماقتارىنان شىعارۋعا شاقىردى.

الايدا دۇيسەنبى كۇنى ەۋرووداق سىرتقى ىستەر مينيسترلەرىنىڭ پىكىرتالاستارىن قورىتىندىلاعان اۋستريا سىرتقى ىستەر ءمينيسترى شاللەنبەرگ ەۋروپا ەلدەرىنىڭ اسكەرلەرىن شىعارۋ نەمەسە قايتارۋ نيەتى جوق ەكەنىن ايتتى.

- شەگىنۋ تۋرالى ەشقانداي پىكىرتالاس بولعان جوق. ولار سوندا قالادى، ءبىراق ءبىزدىڭ اسكەرلەردىڭ قاۋىپسىزدىگى مەن تۇتاستىعى ماڭىزدى جانە بارلىعىمەن قامتاماسىز ەتىلۋى كەرەك، - دەدى مينيستر بريۋسسەلدە Reuters اگەنتتىگىنە بەرگەن سۇحباتىندا.

يزرايلدىڭ «حەزبوللاعا» قارسى جەرءۇستى وپەراتسياسى 1-قازاندا باستالعاننان بەرى ب ۇ ۇ بىتىمگەرلىشىلىك كۇشى پوزيتسيالارى اتقىلاۋعا ۇشىرادى جانە يزرايلدىڭ ەكى تانكىسى بازالاردىڭ بىرىنە باسىپ كىردى، دەپ حابارلادى ب ۇ ۇ. بەس بىتىمگەر جاراقات الدى.

ە و- نىڭ ون التى ەلى، سونىڭ ىشىندە اۋستريا ب ۇ ۇ-ىنىڭ بىتىمگەرشىلىك كۇشىنە ءوز ۇلەسىن قوستى جانە سوڭعى وقيعالار ەۋروپالىق ۇكىمەتتەر اراسىندا كەڭ الاڭداۋشىلىق تۋدىردى. ميسسيانىڭ جالپى سانى 10 مىڭداي بولسا، ونىڭ 3,6 مىڭعا جۋىعىن ەۋروپا ەلدەرى جىبەرگەن. اۋستريا ب ۇ ۇ- ىنىڭ بىتىمگەرشىلىك كۇشىنە 160-قا جۋىق جاۋىنگەر جىبەردى.

ەۋروپالىق شەنەۋنىكتەردىڭ ايتۋىنشا، ە و- عا قاتىسۋشى ەلدەر بۇگىن اسكەر سانى، جابدىقتالۋى جانە ەرەجەلەرىندەگى ميسسيانىڭ قازىرگى جاعدايى مەن ۇزاق مەرزىمدى رولىنە ارنالعان بەينەكونفەرەنسيا وتكىزۋدى جوسپارلاپ وتىر.

اۆتور

ەركەجان سماعۇلوۆا