ۇ ق ك قىزىلوردا وبلىسىندا شەنەۋنىكتى ۇستادى

استانا. KAZINFORM – ۇ ق ك سىبايلاس جەمقورلىققا قارسى ءىس-قيمىل قىزمەتى قىزمەتتىك وكىلەتىن اسىرا پايدالاندى دەگەن كۇدىكپەن ق ر ەنەرگەتيكا مينيسترلىگىنىڭ ەنەرگەتيكالىق قاداعالاۋ جانە باقىلاۋ كوميتەتىنىڭ قىزىلوردا وبلىسى بويىنشا اۋماقتىق دەپارتامەنتى رەسپۋبليكالىق مەملەكەتتىك مەكەمەسىنىڭ باسشىسىن ۇستادى، - دەپ حابارلايدى ۇ ق ك باسپا ءسوز قىزمەتى.

«ول جەر قويناۋىن پايدالانۋشىلاردان جۇيەلى تۇردە ماتەريالدىق پايدا الۋعا مۇمكىندىك بەرەتىن سىبايلاس جەمقورلىق سحەماسىن ۇيىمداستىردى دەپ كۇدىككە ىلىنگەن»، - دەلىنگەن حابارلامادا.

قازىرگى ۋاقىتتا وسى ادامعا قاتىستى ق ر قىلمىستىق كودەكسىنىڭ 362-بابى 4-بولىگىنىڭ 3-تارماعى (بيلىكتى نەمەسە لاۋازىمدىق وكىلەتتىكتەردى اسىرا پايدالانۋ) جانە 364-بابى 1-بولىگى (كاسىپكەرلىك قىزمەتكە زاڭسىز قاتىسۋ) بويىنشا تەرگەۋ ءىس-شارالارى جۇرگىزىلىپ جاتىر.

قاماۋدا ۇستاۋ بۇلتارتپاۋ شاراسى رەتىندە تاعايىندالدى.

ق ر قىلمىستىق-پروتسەستىك كودەكستىڭ 201-بابىنا سايكەس سوتقا دەيىنگى تەرگەپ-تەكسەرۋدىڭ وزگە اقپاراتتارى جاريا ەتۋگە جاتپايدى.