ۇ ق ش ۇ قىزمەتى ەشقاشان ءۇشىنشى ەلدەرگە قارسى باعىتتالماعان - رەسەي پرەزيدەنتى
استانا. KAZINFORM - رەسەي پرەزيدەنتى ۆلاديمير پۋتين پەتەربۋرگ حالىقارالىق ەكونوميكالىق فورۋمى اياسىندا حالىقارالىق اقپارات اگەنتتىكتەرى باسشىلارىمەن كەزدەسۋ بارىسىندا وڭىرلىك قاۋىپسىزدىك ماسەلەسىنە قاتىستى پىكىر ءبىلدىردى، دەپ حابارلايدى Kazinform ءتىلشىسى.
- ءبىز ۇ ق ش ۇ سەكىلدى قورعانىس ۇيىمىنىڭ مۇشەسىمىز. بۇل قۇرىلىم اياسىندا قورعانىس مينيسترلىكتەرىمىز تۇراقتى ءارى وتە ءتيىمدى جۇمىس ىستەپ كەلەدى. ايتا كەتەتىن جايت - بۇل قىزمەت ەشقاشان جانە قازىرگى تاڭدا دا ءۇشىنشى مەملەكەتتەرگە قارسى باعىتتالعان ەمەس. مۇنداعى ماقسات - تەك ءبىزدىڭ جاۋاپكەرشىلىك ايماعىنداعى قاۋىپسىزدىكتى قامتاماسىز ەتۋ، - دەدى ۆلاديمير پۋتين.
رەسەي باسشىسى اۋعانستانداعى احۋالعا دا جەكە توقتالدى.
- ءبىزدى الاڭداتاتىن ءبىرقاتار فاكتورلار بار، سونىڭ ىشىندە اۋعانستانداعى جاعداي دا. قازاقستانمەن تىكەلەي شەكارا جوق بولعانىمەن، كەيبىر وزگە ەلدەردە بار. بۇرىنعى جىلدارى سول اۋماقتاردا ءتۇرلى توپتاردىڭ كىرىپ كەتكەن جاعدايلارى تىركەلگەنىن بىلەمىز، - دەدى رەسەي پرەزيدەنتى.
