ۇ ق ش ۇ كۇشتەرىنىڭ مارتەبەسى تۋرالى قۇجاتقا قول قويامىز - توقايەۆ
استانا. KAZINFORM - مەملەكەت باسشىسى قاسىم-جومارت توقايەۆ ۇ ق ش ۇ ۇجىمدىق قاۋىپسىزدىك كەڭەسى سەسسياسىنىڭ كەڭەيتىلگەن وتىرىسىندا قازاقستان توراعالىعىمەن وتكەن جىلدىڭ نەگىزگى قورىتىندىسىن ءمالىم ەتتى.
«جىل بويى ۇجىمدىق قاۋىپسىزدىك جۇيەسىنىڭ كۇشتەرى مەن قۇرالداردىڭ جاۋىنگەرلىك دايارلىعىنا ەرەكشە نازار اۋدارىلدى. بۇگىن ءبىز ەكى حالىقارالىق كەلىسىمدەردىڭ ەكى حاتتاماسىنا قول قويامىز. ءبىرى – ۇ ق ش ۇ كۇشتەرى مەن قۇرالدارىنىڭ مارتەبەسى تۋرالى، ەكىنشىسى اسكەري كونتينگەنتتەردى تاسىمالداۋ ماسەلەلەرىن قامتيدى»، - دەدى پرەزيدەنت.
قاسىم-جومارت توقايەۆ ۇقشۇ ەلدەرى بىتىمگەرشىلىك كونتينگەنتتەرىنىڭ داعدىلارى مەن دايىندىق دەڭگەيىن ارتتىرۋ جۇمىستارى جالعاسىپ جاتقانىن اتاپ ءوتتى.
«قازاقستاننىڭ باستاماسى بويىنشا بيىل العاش رەت قارۋ-جاراقتىڭ، وق-دارىلەردىڭ زاڭسىز اينالىمىنا جانە ۇيىمداسقان ترانسۇلتتىق قىلمىسقا قارسى ءىس-قيمىل ماسەلەلەرى بويىنشا كونسۋلتاتسيالار وتكىزىلدى. ۇ ق ش ۇ شەڭبەرىندە بەيىندى جۇمىس توبىن قۇرۋ ماسەلەسى پىسىقتالۋدا.
مۇمكىندىكتى پايدالانا وتىرىپ، ۇ ق ش ۇ- نىڭ باس حاتشىسىنا، تۇراقتى كەڭەسىنە جانە جۇمىس ورگاندارىنا ۇلكەن پايدالى جۇمىس ىستەگەنى ءۇشىن العىس ايتقىم كەلەدى. بىرلەسكەن كۇش-جىگەرمەن ءبىز العا قويعان جوعارى ماقساتتارعا قول جەتكىزەتىنىمىزگە سەنىمدىمىن»، - دەدى مەملەكەت باسشىسى.
