ەڭ كوپ تارالعان 10 ءتىل

استانا. قازاقپارات - ءتىل - قارىم-قاتىناس قۇرالى. ادامدى جاقىنداتىن دا ءتىل، الىستاتاتىن دا - ءتىل. ادام قانشا ءتىل بىلسە، سونشا ەلدىڭ مادەنيەتىن تانيدى. «ءبىر ءتىل بىلگەن - ءبىر ادام، ەكى ءتىل بىلگەن - ەكى ادام» دەپ حالىق دانالىعى بەكەر ايتپاسا كەرەك. وسىعان سايكەس بۇگىندەرى الەم تىلدەرى اراسىندا كوش باستاپ تۇرعان 10 ءتىلدى سىزدەردىڭ نازارلارىڭىزعا ۇسىنباقپىز.

10. فرانسۋز ءتىلى

دۇنيەجۇزىندە 129 ميلليون ادام فرانسۋز تىلىندە سويلەيدى. ونى كەي ادامدار رومانتيكالىق ءتىل دەپ تە اتايدى. بۇل تىلدە فرانسيا، بەلگيا، كانادا، رۋاندۋ، كامەرۋن جانە گايتي مەملەكەتتەرىنىڭ ازاماتتارى تىلدەسەدى. ءتىل استاناسى - پاريج. «سالەمەتسىز بە؟» فرانسۋز تىلىندە - Bonjour.

9. مالاي ءتىلى

دۇنيەجۇزىندە 159 ميلليون ادام وسى تىلدە سويلەيدى. مالاي تىلىندە مالايزيا جانە يندونەزيا ەلدەرىنىڭ ازاماتتارى سويلەسەدى. بۇل تىلدە تىلدەسەتىن حالىقتاردىڭ اراسىندا ءبىرشاما ديالەكت سوزدەر قالىپتاسقان. سول سەبەپتى، كوپ جاعدايدا ولار ءبىرىن-ءبىرى تۇسىنبەي جاتادى. ونىڭ ىشىندە ەڭ تانىمالى - يندونەزيالىق ديالەكت. ولاردىڭ اتا ءتۇبى ءبىر بولىپ ەسەپتەلەدى. 13000 ارالدى قامتىعان يندونەزيا جەر كولەمى جونىنەن الەم بويىنشا 14- ورىنعا يە. مالايزيا استاناسى - كۋالا-لۋمپۋر. «سالەمەتسىز بە؟» مالاي تىلىندە - Selamat pagi.

8. پورتۋگال ءتىلى

دۇنيەجۇزىندە 191 ميلليون ادام پورتۋگال تىلىندە سويلەيدى. پورتۋگاليا ءبىر كەزدەرى يسپانيا ەلىنىڭ وكتەمدىگىندە بولعان. يسپانيا مەملەكەتى پورتۋگاليا حالقىنىڭ ءال-اۋقاتىن كوتەرىپ، بىلىمگە جەتەلەگەن بولاتىن. سونىڭ ارقاسىندا پورتۋگالدىق وقىمىستى عالىمدار الەمدە جوعارى مارتەبەگە يە بولىپ، ءار ءتۇرلى زەتتەۋ جۇمىسىمەن اينالىسقان. زەرتەۋلەرىنىڭ باسىم كوپشىلىگىن وڭتۇستىك امەريكا قۇرلىعىندا جۇرگىزگەن. قازىرگى كەزدە پورتۋگال ءتىلى برازيليانىڭ رەسمي ءتىلى. ودان بولەك پورتۋگال تىلىندە ماكاۋ، انگولا، ۆەنەسۋەلا جانە موزامبيك سياقتى ەلدەردىڭ ازاماتتارى سويلەيدى. استاناسى - ليسسابون. «سالەمەتسىز بە؟» پورتۋگال تىلىندە - Bom dia.

7. بەنگال ءتىلى

دۇنيەجۇزىندە 211 ميلليون ادام بەنگال تىلىندە سويلەيدى. جالپى بانگلادەش حالقىنىڭ بارلىعى بەنگال تىلىندە تىلدەسەدى. ءۇندىستان مەن بانگلادەش ەلدەرىنىڭ شەكاراسى ءبىر-بىرىمەن ءتۇيىسىپ تۇرعاندىقتان، بۇل تىلدە سويلەيتىندەردىڭ قاتارى الدەقايدا جوعارى دەپ تۇجىرىمدالادى. استاناسى - داككا. «سالەمەتسىز بە؟» بەنگال تىلىندە - Ei Je.

6. اراب ءتىلى

دۇنيەجۇزىندە 246 ميلليون ادام اراب تىلىندە سويلەيدى. اراب ءتىلى الەمدەگى ەڭ كونە تىلدەردىڭ ءبىرى بولىپ ەسەپتەلەدى. بۇل تىلدە تاياۋ شىعىس، ساۋد ارابيا، كۋۆەيت، يراك، سيريا، يوردانيا، ليۆيا جانە مىسىر ەلدەرىندە تىلدەسەدى. جانە دە قاسيەتتى «قۇران كارىم» كىتابى اراب تىلىندە جازىلعاندىقتان، اتالعان مەملەكەتتەردەن بولەك باسقا دا مۇسىلمان حالىقتارى اراب ءتىلىن جاقسى بىلەدى. 1974-جىلى ب ۇ ۇ اراب ءتىلىن الەم تىلدەرى قاتارىنا قوسقان. «سالەمەتسىز بە؟» ارابشا - Al salaam a'alaykum.

5. ورىس ءتىلى

دۇنيەجۇزىندە 277 ميلليون ادام ورىس تىلىندە سويلەيدى. ورىس ءتىلى حالىقارالىق تىلگە جاتادى. بۇل تىلدە كوبىنە ك س ر و مەملەكەتتەرى، ياعني قازىرگى ت م د حالىقتارى تىلدەسەدى. ال جالپى رەسەي فەدەراتسياسىندا 146 ميلليون ادام ورىس تىلىندە ارالاسادى. استاناسى - ماسكەۋ. «سالەمەتسىز بە؟» ورىس تىلىندە - پريۆەت.

4. يسپان ءتىلى

دۇنيەجۇزىندە 392 ميلليون ادام يسپان تىلىندە سويلەيدى. يسپان ءتىلى يسپانيا، وڭتۇستىك جانە ورتالىق امەريكا، كۋبا، مەكسيكا ەلدەرى ءۇشىن انا ءتىلى ءرولىن اتقارادى. يسپانيا استاناسى - مادريد. «سالەمەتسىز بە؟» يسپان تىلىندە - Hol.

3. حيندي

دۇنيەجۇزىندە 497 ميلليون ادام حيندي تىلىندە سويلەيدى. حيندي - ءۇندىستان مەملەكەتىنىڭ رەسمي ءتىلى. ەلدە حيندي مەن اعىلشىن تىلدەرى قاتار جۇرەدى. ايتكەنمەن، اعىلشىن ءتىلى الەمدىك ءتىل بولعاندىقتان، وسى تىلدە سويلەۋشىلەردىڭ سانى باسىم. ءۇندىستان استاناسى - نيۋ-دەلي. «سالەمەتسىز بە؟» حيندي تىلىندە - Namaste.

2. اعىلشىن ءتىلى

دۇنيەجۇزىندە 508 ميلليون ادام اعىلشىن تىلىندە سويلەيدى. ودان بولەك جىلىنا 400 ميلليون ادام اعىلشىن ءتىلىن ۇيرەنەدى. قازىرگى ۋاقىتتا اعىلشىن تىلىندە ا ق ش، اۆستراليا، انگليا، كانادا، زيمبابۆا، وڭتۇستىك افريكا ت. ب. ەلدەردە سويلەسەدى. ءتىل استاناسى - لوندون. «سالەمەتسىز بە؟» اعىلشىن تىلىندە - Hello.

1. قىتاي ءتىلى

بۇكىل دۇنيەجۇزىنىڭ 7/1 بولىگى قىتاي تىلىندە سويلەيدى. قىتاي ءتىلىن مەڭگەرۋ وتە قيىن. استاناسى - بەيجىڭ. «سالەمەتسىز بە؟» قىتاي تىلىندە - Ni hao

massaget.kz