كولىك سالىعىن جويۋ بەنزين باعاسىن كوتەرۋدىڭ امالى ەمەس پە - مينيستر جاۋابى
كولىك سالىعىن ارتتىرۋ ارقىلى بەنزيننىڭ باعاسىن كوتەرۋ كوزدەلىپ وتىرعان جوق پا؟
ۇكىمەت وتىرىسىنان كەيىن وتكەن باسپا ءسوز ءماسليحاتىندا ۇلتتىق ەكونوميكا ءمينيسترى الىبەك قۋانتىروۆقا وسىنداي سۇراق قويىلدى، دەپ حابارلايدى قازاقپارات.
كولىك سالىعىن ارتتىرۋ ارقىلى بەنزيننىڭ باعاسىن كوتەرۋ كوزدەلىپ وتىرعان جوق پا؟
ۇكىمەت وتىرىسىنان كەيىن وتكەن باسپا ءسوز ءماسليحاتىندا ۇلتتىق ەكونوميكا ءمينيسترى الىبەك قۋانتىروۆقا وسىنداي سۇراق قويىلدى، دەپ حابارلايدى قازاقپارات.
«سالىقتى قىسقارتۋ تۋرالى ايتساق، ماسەلە ءالى تالقىلانىپ جاتىر. ايتا كەتۋ كەرەك، بۇل ماسەلە قوعام تاراپىنان، كولىگى بار، ءبىراق ونى پايدالانبايتىن ادامداردان تۇسكەن. ولار كولىگىن ءجيى قولدانبايتىندىقتان، سالىق تولەگىسى كەلمەيدى.
ال بەنزين مەن ديزەل اكسيزىن كوتەرۋدىڭ سالىقتى قىسقارتۋمەن بايلانىسىنا كەلسەك، ءبىر-بىرىمەن قاتىسى جوق ماسەلەلەر. ءبىز اكسيز باعاسىن كولىك سالىعىن قۇرتۋ ءۇشىن كوتەرىپ جاتقان جوقپىز. اكسيز ونسىز دا كوتەرىلۋ كەرەك بولعان. ەۋرازيالىق ەكلونوميكالىق وداق ەلدەرىنىڭ جانارماي نارىعىمەن ءبىزدىڭ نارىقتى تەڭەستىرۋ ۇشەن قاجەت بۇل»، - دەگەن مينيستر كورشى نارىقتارداعى باعا ايىرماشىلىعىنا توقتالدى.
«مىسالى، شەكارالاس رەسەي مەن قىرعىزستانداعى نارىقپەن ايىرماشىلىق 50 پايىزداي. سوندىقتان ءبىزدىڭ جانارماي مەن بەنزين قۇنى سىرتقا شىعارىلىپ جاتىر. وسىدان بىزدە تاپشىلىق پايدا بولادى»، - دەدى الىبەك قۋانتىروۆ.
ونىڭ ايتۋىنشا، كولىك سالىعى بويىنشا جەڭىلدىك العان ازاماتتار بەنزيندى بۇرىنعىداي جەڭىلدەتىلگەن باعامەن ساتىپ المايتىن بولادى.
«بىزدە بەنزين اكسيزى جىل سايىن بىرتىندەپ 15-20 تەڭگەگە كوتەرىلىپ كەلەدى. قانداي جاعدايدا دا 2024-2025 -جىلدارى بۇل اكسيز ارتادى»، - دەدى مينيستر.
