الەمدەگى ەڭ قورقىنىشتى 5 فيلم

حوررور جانرى كوبىنە ادرەناليندى جاقسى كورەتىن كينوسۇيەر قاۋىمنىڭ كوڭىلىنەن شىعادى. الايدا ەڭ قورقىنىشتى تۋىندىنى تاڭداۋ وڭاي ەمەس.

ءار ادام ءتۇرلى دەڭگەيدە قورقاتىندىقتان، بۇل سۇراق توڭىرەگىندە شەكسىز داۋلاسۋعا بولادى. ءبىراق تاريحتا وسى كينوجانردا ءىز قالدىرعان تانىمال فيلمدەر از ەمەس. Bugin.kz ۇرەي تۋدىراتىن 5 فيلمدى تاڭداپ كوردى.

"استرال" (2010 -جىل)

رەجيسسەر دجەيمس ۆان ناعىز قورقىنىشتى شەديەۆر جاسادى. "استرال" فيلمىندە جاڭا ۇيگە كوشكەن وتباسىنىڭ باسىنان كەشكەندەرىن كورسەتەدى. پاتريك ۋيلسون ويناعان باس كەيىپكەر جانۇياسىنىڭ پاراللەل الەممەن بايلانىسى بار ميستيكالىق كۇشتەردىڭ قۇربانى بولىپ جاتقانىن بىلەدى. اتالمىش فيلم قورقىنىشتى اتموسفەرادان بولەك، ەرەكشە سيۋجەتىمەن دە ەرەكشەلەنەدى. قازىرگى ۋاقىتتا فيلمنىڭ 5 ءبولىمى جارىقققا شىقتى.

"دۋا" (2013 -جىل)

"استرال" فرانشيزاسىن جاساۋشى رەجيسسەر دجەيمس ۆان "دۋا" فيلمىمەن قورقىنىشتى الەمگە وزىندىك ەرەكشەلىك اكەلدى. تۋىندى ەسكى ساياجايعا كوشىپ كەلە جاتقان پەررون وتباسىسى جايلى بولادى. ولار وسى قورقىنىشتى جەردىڭ قۇپياسىن اشۋ ءۇشىن ەكى پارانورمالدى تەرگەۋشى ەد جانە لوررەين ۋوررەننىڭ كومەگىنە جۇگىنەدى.

مىقتى اكتەرلىك قۇرامنىڭ ارقاسىندا "دۋا" كينوكارتيناسى كورەرمەندى ميستيتسيزم مەن پارانورمالدى قۇبىلىستار الەمىنە الىپ بارعانداي اسەر قالدىرارى ءسوزسىز.

كينوپويسك

"اننابەلدىڭ قارعىسى" (2014 -جىل)

"اننابەل" فرانشيزاسى قورقىنىشتى جانرداعى فەنومەن فيلمدەردىڭ بىرىنە اينالدى. ال "Annabelle: Creation" - ونىڭ ەڭ قاتتى ۇرەي تۋدىراتىن بولىمدەرىنىڭ ءبىرى سانالادى. بۇل تۋىندىدا قۋىرشاق اننابەلدىڭ ءبىر وتباسىعا جاسايتىن زۇلىمدىعى كورسەتىلگەن. دەۆيد سەندبەرگتىڭ اتالمىش تۋىندىسى كينويندۋسترياعا تىڭ وزگەرىس اكەلدى.

"قوڭىراۋ" (2002 -جىل)

رەجيسسەر گور ۆەربينسكيدىڭ بۇل فيلمى كينو تاريحىندا ماڭگىلىك تاڭباسىن قالدىردى.

"قوڭىراۋ" كينوسىندا تۇسىنىكسىز بەينەتاسپانى كورگەن ايەلدىڭ تىلسىم كۇشكە تاپ بولعان وقيعاسى كورسەتىلەدى. فيلمدە كەنەتتەن ءارى كۇتپەگەن جەردەن قورقىنىشتى وقيعالار بولادى. تۋىندى وسىنداي ساتتەرىمەن ەرەكشە تانىمال.

"جارقىراۋ" (1980 -جىل)

"جارقىراۋ" - ستەنلي كۋبريكتىڭ قورقىنىشتى كلاسسيكاسى. فيلمدە قىستا جۇمباق قوناق ۇيدە وڭاشا قالاتىن وتباسىنىڭ وقيعاسى باياندالادى. ۋاقىت وتە كەيىپكەرلەر ميستيكالىق كۇشتەرمەن جانە وزدەرىنىڭ قورقىنىشتى ارماندارىمەن بەتپە-بەت كەلە باستايدى. ۇرەي تۋدىراتىن كينونىڭ اتموسفەراسى، اكتەرلىك ويىنى جانە قورقىنىشتى ساتتەرى وسى جانردى جاقسى كورەتىن كورەرمەنگە ۇنايتىنى ءسوزسىز.