ءدارىنى شايمەن ىشۋگە بولا ما؟
سۋسىندار ءدارى- دارمەكتىڭ كۇشىن السىرەتىپ، اۋىر جاناما اسەر تۋدىرۋى مۇمكىن. بۇل تۋرالى توكسيولوگ الەكسەي ۆودوۆوزوۆ Sputnik راديوسىنا بەرگەن سۇقباتىندا ايتتى.
ءدارى-دارمەكتى شايمەن ىشۋگە بولمايدى، ويتكەنى سۋسىننىڭ قۇرامىندا جۇرەك گليۋكوزيدتەرى، ەۋفيللين، كودەين، پاپاۆەرين قۇرامىنا كىرەتىن كەيبىر زاتتاردى بايلانىستىراتىن تانين بار.
ماماننىڭ ايتۋىنشا، كەز كەلگەن شاي نەمەسە شىرىننىڭ قۇرامىندا پرەپاراتپەن ارەكەتتەسەتىن حيميالىق بەلسەندى زاتتار بار.
الەكسەي ۆودوۆوزوۆ قۇرامىندا حيميالىق بەلسەندى زاتتارى بار كەز كەلگەن سۋسىن ءدارىنىڭ اسەرىن كۇشەيتۋى نەمەسە السىرەتۋى مۇمكىن ەكەنىن ايتتى.
"مىسالى، ەگەر ءبىز تەمىر پرەپاراتىن كوك شايمەن ىشسەك، تەمىردىڭ بيوجەتىمدىلىگى ايتارلىقتاي تومەندەيدى. ويتكەنى، شايدىڭ قۇرامىندا الۋان ءتۇرلى حيميالىق بەلسەندى زاتتار بار. ولار ءدارى- دارمەكپەن ءوزارا ارەكەتتەسكەندە، ونىڭ سالدارى ناشار بولۋى مۇمكىن. ءبىراق ەگەر سول تەمىر پەرپاراتىن اپەلسين شىرىنىمەن ىشسەڭىز، پرەپاراتتىڭ بيوجەتىمدىلىگى ارتادى. شىرىننىڭ قۇرامىندا ورگانيكالىق قىشقىلدار كوپ بولعاندىقتان، تەمىر الدەقايدا جاقسى سىڭەدى"، - دەدى ۆودوۆوزوۆ.
ءدارى پرەپاراتىنا ارنالعان نۇسقاۋلىقتا ونى قانداي سۋسىنمەن ىشۋگە بولاتىنى كورسەتىلگەن. قۇجاتتا ۇسىنىلعان نۇسقاۋلىق بويىنشا ارەكەت ەتۋ كەرەك دەدى توكسيكولوگ.
ايتا كەتەيىك، ءدارى گازدالعان قانتتى سۋسىنمەن قوسىلسا، انتيبيوتيكپەن ەمدىك شارانىڭ تيىمدىلىگىن تومەندەتەتىن قۇرامىندا تەمىر بار زاتتار ءتۇزىلۋى مۇمكىن، سوندىقتان ولاردى بىرگە تۇتىنۋعا بولمايدى.
سونىمەن قاتار، ءدارىنى الكوگولدىك سۋسىنمەن ءىشۋ دۇرىس ەمەس. الكوگول مەن كەيبىر ءدارى- دارمەكتىڭ كومبيناتسياسى ادام ءومىرىن ولىمگە اكەلۋى مۇمكىن. ءدارى قۇرامىنداعى مەترونيدازول ۇزاق مەرزىمدى دەپرەسسيانى تۋدىرادى.
