جايىق وزەنىندە ەكى قايىق سوقتىعىسىپ، ءبىر ادام مەرت بولدى

اتىراۋدا جايىق وزەنىنىڭ ۇستىندە ەكى قايىق سوقتىعىسىپ، ءبىر ادام مەرت بولدى. تاعى بىرەۋى اۋىر جاراقاتپەن اۋرۋحاناعا جەتكىزىلدى، دەپ حابارلايدى قازاقپارات ءتىلشىسى.

اتىراۋ وبلىستىق پوليتسيا دەپارتامەنتى باسپا ءسوز قىزمەتىنىڭ اقپاراتىنا قاراعاندا، وقيعا بۇگىن، 20- قىركۇيەك ساعات 07:00 شاماسىندا بولعان.

«اتىراۋ قالاسىنا قاراستى دامبى اۋىلىنىڭ تۇسىندا جايىق وزەنىندە ەكى قايىق سوقتىعىستى. سونىڭ سالدارىنان 50 جاستاعى ەر ادام اۋىر جاراقاتپەن وبلىستىق اۋرۋحاناعا جەتكىزىلدى. ال، 1974-جىلعى ەر ادام وقيعا ورنىندا قايتىس بولدى. ەكى قايىقتى جۇرگىزگەن 1992 جانە 1988-جىلعى ازاماتتاردا سۋ كولىگىن باسقارۋعا رۇقسات قاعازى بار بولىپ شىقتى»، - دەپ حابارلادى دەپارتامەنتتىڭ باسپا ءسوز قىزمەتىنەن.

قازىر پوليتسيا قىزمەتكەرلەرى اتالعان دەرەك بويىنشا تەرگەۋ امالدارىن جۇرگىزىلىپ جاتىر.

ەسكە سالا كەتەلىك، بۇدان بۇرىن جايىق وزەنىندە ەكى كاتەر سوقتىعىسىپ، 9 ادام اۋرۋحاناعا تۇسكەنىن جازعان بولاتىنبىز.

اتالعان قايىقتار ادامداردى سەرۋەندەتۋ قىزمەتىنە پايدالانىلعان. سۋ كولىگىنىڭ بىرىندە 10 ادام، ال ەكىنشى قايىقتا 25 ادام بولعان. وقيعا سالدارىنان ءتۇرلى دەنە جاراقاتىن العان 9 ادام اۋرۋحاناعا جەتكىزىلدى.

زارداپ شەككەندەردىڭ اراسىندا 5 ەرەسەك ادام بار. ال كامەلەتكە تولماعان 4 بالا وبلىستىق بالالار اۋرۋحاناسىنا تۇسكەن. ونىڭ ىشىندە 6 جاسار بالا جانساقتاۋ بولىمىندە جاتىر.

كەيىن كاتەرلەر سوقتىعىسىنان زارداپ شەككەن 6 جاسار بالانىڭ جاعدايى اۋىر ەكەنىن حابارلاعان ەدىك.