مەملەكەت باسشىسى رافاەل سانتانانى قابىلدادى
مەملەكەت باسشىسى Wabtec كومپانياسىنىڭ پرەزيدەنتى جانە باس اتقارۋشى ديرەكتورى رافاەل سانتانانى قابىلدادى. كەزدەسۋدە قازاقستاننىڭ تەمىرجول سالاسىن جاڭعىرتۋ اياسىندا Wabtec كومپانياسىمەن اراداعى ىنتىماقتاستىق پەرسپەكتيۆالارى تالقىلاندى.
رافاەل سانتانا قاسىم- جومارت توقايەۆقا قازاقستاندا سۋتەگى تەحنولوگياسىن قولداناتىن لوكوموتيۆتەر مەن ولاردىڭ قوسالقى بولشەكتەرىنىڭ ءوندىرىسىن ىسكە قوسۋ، ينجيرينگ ورتالىعى مەن تەحنولوگيالىق ترانسفەرت قۇرۋ ءۇشىن پىسىقتالىپ جاتقان ينۆەستيتسيالىق جوبالار تۋرالى مالىمەت بەردى.
مەملەكەت باسشىسى كومپانيانىڭ كولىك- لوگيستيكا سالاسىنا شامامەن 1 ميلليارد دوللار ينۆەستيتسيا قۇيۋ جوسپارىن قۇپتاپ، مۇنىڭ ترانسكاسپي حالىقارالىق كولىك باعدارىن دامىتۋعا ىقپال ەتەتىنىن جانە باسقا دا ينفراقۇرىلىمدىق جوبالار ءۇشىن نەگىز بولاتىنىن اتاپ ءوتتى.
پرەزيدەنتتىڭ ا ق ش- قا ساپارى اياسىندا «قازاقستان تەمىر جولى» «ۇ ك» اكسيونەرلىك قوعامى مەن Wabtec اراسىندا ستراتەگيالىق ىنتىماقتاستىق تۋرالى نەگىزدەمەلىك كەلىسىمگە قول قويىلدى.
Wabtec (Westinghouse Air Brake Technologies Corporation) Fortune 500 تىزىمىنە كىرەدى، سونداي- اق ول كولىك- لوگيستيكا سالاسىنداعى جاھاندىق كوشباسشىلاردىڭ ءبىرى سانالادى.
الەمنىڭ 50-دەن استام ەلىندە كومپانيانىڭ فيليالدارى بار جانە وندا 27 مىڭنان اسا ادام جۇمىس ىستەيدى.
مەملەكەت باسشىسى جۋىردا جاريالاعان قازاقستان حالقىنا جولداۋى اياسىندا ۇكىمەتكە وسى سالاداعى باسەكەلەستىكتى ارتتىرۋ ءۇشىن ەلىمىزگە ءۇش سەنىمدى شەتەلدىك بانكتى تارتۋ مىندەتىن جۇكتەگەنىن اتاپ ءوتتى.
پرەزيدەنت استانا حالىقارالىق قارجى ورتالىعىنىڭ جاھاندىق ينۆەستورلارمەن بايلانىسىن قامتاماسىز ەتۋ جانە قارجى سەكتورىنىڭ سيفرلىق ترانسفورماتسياسىن دامىتۋعا اتسالىسۋ ىسىندەگى Citigroup كومپانياسىنىڭ ماڭىزدى ءرولىن وڭ باعالادى.
مەملەكەت باسشىسى قازاقستاننىڭ كولىك- لوگيستيكالىق الەۋەتىن ارتتىرۋعا باعىتتالعان ءبىرقاتار جوبانى قارجىلاندىرۋعا نيەت ءبىلدىرىپ وتىرعان Citigroup حولدينگىنىڭ الداعى جوسپارىن قولدايتىنىن ايتتى.
سونىمەن قاتار اڭگىمەلەسۋ بارىسىندا ماكروەكونوميكالىق بولجامدار مەن الەمدىك قارجى نارىعىنداعى نەگىزگى ۇردىستەر تالقىلاندى.
كەزدەسۋ اياسىندا «قازاقستان تەمىر جولى» ۇ ك» ا ق مەن Citibank اراسىندا Wabtec لوكوموتيۆتەرىن ساتىپ الۋ ءۇشىن قارجىلاندىرۋدى ۇيىمداستىرۋدىڭ نەگىزگى شارتتارى تۋرالى كەلىسىمگە قول قويىلدى.
