ۇ ب ت: تۇلەكتەر كوبىنە قاي ءپاندى تاڭداعان

استانا. KAZINFORM - ۇلتتىق تەستىلەۋ ورتالىعى ناۋرىز ايىنداعى ۇ ب ت-نىڭ ارالىق قورىتىندىلارىن ۇسىندى.

ұбт ент
فوتو: عىلىم جانە جوعارى ءبىلىم مينيسترلىگى

ناۋرىز ايىنداعى ۇ ب ت باستالعالى بەرى 88 مىڭعا جۋىق ادام تەست تاپسىردى.

ونىڭ ىشىندە:
تالاپكەرلەردىڭ %72 عا جۋىعى شەكتى بال جينادى؛

ورتاشا بالل - 65 بال (بەس ءپان بويىنشا)؛
ەڭ جوعارى بال - 139 بال؛
ەرەكشە ءبىلىم بەرۋ قاجەتتىلىگى بار 232 تالاپكەر قاتىستى.

ەرەجە بۇزعانى ءۇشىن 121 ادامنىڭ ناتيجەسى جويىلدى.

تىيىم سالىنعان زاتتاردى الىپ ءوتۋ ارەكەتى سالدارىنان 43 تالاپكەر تەست تاپسىرۋ مۇمكىندىگىنەن ايىرىلدى؛
تەستىلەۋ كەزىندە ەرەجەلەردى بۇزعانى ءۇشىن اۋديتوريادان 55 ادام شىعارىلدى؛
بەينەجازبالاردى قايتا قاراۋ ناتيجەسىندە 23 ادامنىڭ ناتيجەسى جويىلدى؛
بوگدە تۇلعالار انىقتالعان جوق.

- قاتىسۋشىلاردىڭ %18,1 ى «ماتەماتيكا- فيزيكا» كومبيناتسياسىن، %14,8 ى «بيولوگيا- حيميا»، %12,6 ى «شىعارماشىلىق ەمتيحان» كومبيناتسياسىن تاڭداعان، - دەلىنگەن ۇلتتىق تەستىلەۋ ورتالىعى حابارلاماسىندا.

ەستەرىڭىزگە سالا كەتەيىك، ناۋرىز ايىنداعى ۇ ب ت 6-ساۋىرگە دەيىن وتەدى.

ايتا كەتەلىك 163 مىڭ ادام ناۋرىز ايىندا وتەتىن ۇ ب ت-عا قاتىسۋعا ءوتىنىش بەرگەن ەدى.

سوڭعى جاڭالىقتار