ۇ ب ت تاپسىرۋعا قوسىمشا قابىلداۋ پروتسەسى باستالدى
استانا. قازاقپارات - 4-6-شىلدە ارالىعىندا ۇلتتىق تەستىلەۋ ورتالىعى 10-25-ءساۋىر ارالىعىندا كەلەسى دالەلدى سەبەپتەر بويىنشا ءوتىنىش بەرمەگەن تالاپكەرلەردەن نەگىزگى ۇ ب ت- عا قاتىسۋ ءۇشىن ءوتىنىش قابىلدايدى.
دەنساۋلىق جاعدايىنا بايلانىستى ەمدەۋدە نەمەسە كارانتيندە بولۋ (026/ۋ مەديتسينالىق انىقتاما بولعان جاعدايدا)؛
جاقىن تۋىسىنىڭ قايتىس بولۋى (راستايتىن قۇجاتتار بولعان جاعدايدا)؛
رەسپۋبليكالىق جانە حالىقارالىق وليمپيادالارعا، بايقاۋلارعا جانە سپورتتىق جارىستارعا قاتىسۋ (514-بۇيرىقتاعى تىزىمگە سايكەس)؛
توتەنشە جاعدايلار تۋىنداعان كەزدە.
ءوتىنىش پەن راستايتىن قۇجاتتاردى (+ جەكە كۋالىك) تەستىلەنۋشىلەر uto@testcenter.kz ەلەكتروندىق پوشتاسىنا جولداۋ قاجەت.
تەستىلەۋ - 8-10-شىلدە.
ايتا كەتەلىك نەگىزگى ۇبت قورىتىندىسى بويىنشا تالاپكەرلەردىڭ كوپشىلىگى شەكتى مەجەدەن وتكەنى تۋرالى جازعان ەدىك.
