ۇ ب ت- دان ەڭ جوعارى ۇپايدى اۋىل مەكتەبىنىڭ تۇلەكتەرى جيناعان

ұбт ент
Фото: Ғылым және жоғары білім министрлігі

استانا. KAZINFORM - نەگىزگى ۇ ب ت باستالعاننان بەرى 315 مىڭ رەت تەست تاپسىرىلدى. ونىڭ ىشىندە تالاپكەرلەردىڭ 77 پايىزى - قازاق تىلىندە، 23 پايىزى - ورىس تىلىندە، 200 دەن استام ادام اعىلشىن تىلىندە تەستىلەۋدەن ءوتتى.

ۇ ب ت باستالعالى شەكتى بالدى 78 پايىز تالاپكەر جينادى.

ورتاشا بال - 70.

ەڭ جوعارى بال - 140. ونى ۇ ب ت التىنشى اپتاسىندا الماتى وبلىسىنىڭ تۇلەگى جاننۇر ەڭسەبەك جينادى.

139 بالدى 2 تەستىلەنۋشى: شىعىس قازاقستان وبلىسىنىڭ تۇلەگى اياۋجان مۇراتوۆا مەن قىزىلوردا وبلىسىنىڭ تۇلەگى نۇربولات جۇباتقان جينادى.

اتاپ وتسەك، اتالعان ءۇش تالاپكەر - اۋىل مەكتەبىنىڭ تۇلەگى.

6 بالا - 138 بال، 20 بالا - 137 بال جيناعان.

ەرەكشە ءبىلىم بەرۋ قاجەتتىلىكتەرى بار وقۋعا تۇسۋشىلەر ءۇشىن قولايلى جاعداي جاساۋدىڭ ارقاسىندا ۇ ب ت- عا جەتى اپتانىڭ ىشىندە 639 تالاپكەر قاتىستى.

بۇگىنگى تاڭدا 596 ەرەجە بۇزۋ فاكتىسى انىقتالعان.

ونىڭ ىشىندە 375 تالاپكەر سمارتفون، شپارگالكا جانە باسقا دا تىيىم سالىنعان زاتتاردى الىپ ءوتۋ ارەكەتى سالدارىنان تەست تاپسىرۋ مۇمكىندىگىنەن ايىرىلدى.

تەستىلەۋ كەزىندە ەرەجە بۇزعانى ءۇشىن اۋديتوريادان 179 ادام شىعارىلىپ، ولاردىڭ ناتيجەسى جويىلدى.

بەينەجازبانى تەكسەرۋدەن سوڭ ەرەجە بۇزعان 42 ادامنىڭ ناتيجەسى جويىلدى.

بوگدە تۇلعالار انىقتالعان جوق.

ايتا كەتسەك، 2024-جىلعى ۇ ب ت اياقتالعاننان كەيىن كۇنتىزبەلىك جىلدىڭ 31-قازانىنا دەيىن تەستىلەۋدىڭ بەينەجازباسىنا تالداۋ جاسالادى.

تىيىم سالىنعان زاتتاردى پايدالانۋ نەمەسە ەرەجە بۇزۋ فاكتىلەرى انىقتالعان جاعدايدا تالاپكەردىڭ ۇ ب ت ناتيجەسى جويىلادى.

سوڭعى جاڭالىقتار