ۇ ب ت- عا شپارگالكا، سمارتفون الىپ كىرگەن 219 بالا تەست تاپسىرۋ مۇمكىندىگىنەن ايىرىلدى

استانا. KAZINFORM - نەگىزگى ۇبت باستالعاننان بەرى 164 مىڭ رەت تەست تاپسىرىلدى. ونىڭ ىشىندە تالاپكەرلەردىڭ %74 - قازاق تىلىندە، %26 ورىس تىلىندە، 115 ادام اعىلشىن تىلىندە تەستىلەۋدەن ءوتتى.

ҰБТ ЕНТ
Фото: Ғылым және жоғары білім министрлігі

ۇ ب ت باستالعالى شەكتى بالدى %76 تالاپكەر جينادى. ورتاشا بالعا كەلەتىن بولساق، ول - 68 بالل.

ەڭ جوعارى بالل - 138.

266 ادام 130 بالدان جوعارى كورسەتكىش كورسەتتى.

ەرەكشە ءبىلىم بەرۋ قاجەتتىلىكتەرى بار بالالارعا قولايلى جاعداي جاساۋدىڭ ارقاسىندا ۇبت- عا ءتورت اپتانىڭ ىشىندە 510 تالاپكەر قاتىستى.

بۇگىنگى تاڭدا 315 ەرەجە بۇزۋ فاكتىسى انىقتالدى.

ونىڭ ىشىندە 219 تالاپكەر سمارتفون، شپارگالكا جانە باسقا دا تىيىم سالىنعان زاتتاردى الىپ ءوتۋ ارەكەتى سالدارىنان تەست تاپسىرۋ مۇمكىندىگىنەن ايىرىلدى.

تەستىلەۋ كەزىندە ەرەجە بۇزعانى ءۇشىن اۋديتوريادان 89 ادام شىعارىلىپ، ولاردىڭ ناتيجەسى جويىلدى.

بەينەجازبالاردى تەكسەرۋدەن سوڭ ەرەجە بۇزعان 7 ادامنىڭ ناتيجەسى جويىلدى.

بوگدە تۇلعالار انىقتالعان جوق.

ايتا كەتسەك، 2024 -جىلعى ۇ ب ت اياقتالعاننان كەيىن كۇنتىزبەلىك جىلدىڭ 31 -قازانىنا دەيىن تەستىلەۋدىڭ بەينەجازباسىنا تالداۋ جۇرگىزىلەدى.

تىيىم سالىنعان زاتتاردى پايدالانۋ نەمەسە ەرەجەلەردى بۇزۋ فاكتىلەرى انىقتالعان جاعدايدا تالاپكەردىڭ ۇ ب ت ناتيجەلەرى جويىلادى.

سوڭعى جاڭالىقتار