قازاقستان قۇراماسى كۇرەستەن العاشقى وليمپيادا ليتسەنزياسىنا يە بولدى

ق ر تۋريزم جانە سپورت ءمينيسترى ەرمەك مارجىقپايەۆ كۇرەستەن الەم چەمپيوناتىندا قازاقستان قۇراماسى العاشقى مەدال مەن وليمپيادالىق ليتسەنزياعا يە بولعانىن مالىمدەدى، دەپ حابارلايدى قازاقپارات.

ەركىن كۇرەس شەبەرى ازامات داۋلەتبەكوۆ 86 كەلىگە دەيىنگى سالماقتا ونەر كورسەتىپ، وسى كۇندەرى سەربيادا ءوتىپ جاتقان الەم چەمپيوناتىنىڭ قولا جۇلدەسىن جەڭىپ العان.

«باحرەين وكىلىنە قارسى وتكەن «جۇبانىش فينالىندا» ءبىزدىڭ سپورتشى ءوزىنىڭ شەبەرلىگىن عانا ەمەس، مىنەزىن دە كورسەتە وتىرىپ، سوڭعى سەكۋندتاردا جەڭىستى جۇلىپ الدى. ازامات پەن قازاقستان قۇراماسىنىڭ جاتتىقتىرۋشىلار شتابىن وسى ناتيجەمەن قۇتتىقتايمىن، سونداي- اق پاريج وليمپياداسىندا ەلىمىزدى لايىقتى تۇردە تانىتۋعا تىلەكتەسپىن»، - دەيدى مينيستر.

ول سونداي- اق، تاعى ءبىر قازاقستاندىق پالۋان ريزابەك ايتمۇحاننىڭ 92 كەلىگە دەيىنگى سالماق دارەجەسىندەگى فينالعا سەنىمدى تۇردە جولداما العانىن اتاپ وتكەن. بۇگىن ول الەم چەمپيونى اتاعى ءۇشىن كۇرەسەتىن بولادى.